«Qazaqstan» ulttyq arnasynda aldaǵy sailaýǵa qatysatyn bes saiasi partiianyń músheleri teledebat ótkizdi, dep habarlaidy "Ult aqparat".
Teledebatqa «Aýyl» partiiasynyń atynan Dáýletkerei Kápuly, «Nur Otan» partiiasynyń atynan Aidos Sarym, «Aq jol» partiiasynyń atynan Berik Dúisenbinov, «Adal» partiiasynyń atynan Maqsat Tolyqbai, Qazaqstan halyq partiiasynan Ǵaziz Qulahmetov qatysty.
Teledebat birneshe kezeńge bóline uiymdastyryldy. Alǵashqy kezeńde partiia ókilderi óz atynan baǵdarlamalaryn tanystyryp, telejúrgizýshiniń suraǵyna jaýap berdi. Bul kezeńde partiianyń ókilderi sailaýshylarǵa shaǵyn úgit-nasihat júrgizip, óz baǵdarlamalarynyń basymdyqtaryn atady.
Ekinshi kezeńde partiialardyń ókilderi bir-birine suraq qoidy. Atap aitqanda, ulttyq qundylyqtardy saqtaý, eýropalyq ómir saltyn kiriktirý, dekommýnizatsiia, analar men balalarǵa qarsy qylmysty toqtatý, jemqorlyqpen kúres máselelerine qatysty saýaldar joldandy. Atalmysh kezeńde ókilder suraqtarǵa shama-sharqynsha jaýap berýge tyrysty.
Úshinshi kezeńde partiialardyń ókilderi halyq tarapynan qoiylǵan suraqtarǵa jaýap berdi. Tórtinshi kezeńde olarǵa halyqqa úndeý jasaý úshin ýaqyt berildi.
