9 ماۋسىمدا ٶتەتٸن پرەزيدەنتتٸك سايلاۋدا العاش رەت داۋىس بەرەتٸن ەلوردا تۇرعىندارى ەستەلٸك سىيلىقتار الادى, دەپ حابارلايدى "ۇلت اقپارات".
نۇر-سۇلتان قالاسى ەكٸمدٸگٸنەن مەلٸم ەتكەندەي, بيىل 18 جاسقا تولعان 34 مىڭنان استام استانالىق قر پرەزيدەنتٸ سايلاۋىندا العاش رەت داۋىس بەرەدٸ. ولار ٷشٸن سايلاۋ ۋچاسكەلەرٸندە سىيلىقتار دايىندالعان. سونداي-اق 9 ماۋسىم كٷنٸ تۋعان كٷن مەرەكەلەرٸن اتاپ ٶتەتٸن قالا تۇرعىندارى قۇرالاقان قالمايدى. ولارعا جەڭٸل جەيدە, كەپكا, كرۋجكا جەنە باسقا دا كٶپتەگەن سىيلىقتار تاپسىرىلادى.
«سايلاۋعا قاتىسۋعا قالالىقتاردى بارىنشا تارتۋ ماقساتىندا ەلەۋمەتتٸك جەلٸلەردە «ەل جٷرەگٸ - نۇر-سۇلتان!» اتتى ارنايى يميدجدٸك جوبا ٸسكە قوسىلدى. 9 ماۋسىمدا ەلوردا ەكٸمدٸگٸ قوعامدىق كٶلٸكتەردە تەگٸن جول جٷرۋدٸ قامتاماسىز ەتەتٸن بولادى», - دەلٸنگەن ەكٸمدٸك حابارلاماسىندا.
نۇر-سۇلتاندا 18 جاسقا تولعان 34 366 ازامات العاش رەت داۋىس بەرەتٸنٸ بۇعان دەيٸن حابارلانعان بولاتىن. قالا ەكٸمٸنٸڭ ورىنباسارى ەرلان قاناليموۆتٸڭ ايتۋىنشا, سايلاۋشىلاردىڭ تٸزٸمٸ بۇل كٷندە ناقتىلانىپ قويعان.
ەلوردادا بارلىعى 239 سايلاۋ ۋچاسكەسٸ قۇرىلعان. ازاماتتار ٶز سايلاۋ ۋچاسكەسٸنە قاتىستى مەلٸمەتتٸ «ٸكomek» قىزمەتٸنٸڭ «109» نٶمٸرٸ, «Smart Astana» موبيلدٸك قوسىمشاسى, Telegram-داعى @smartastana_bot چات-بوتى جەنە ەكٸمدٸك سايتىنداعى سٸلتەمە ارقىلى تابا الادى. سايلاۋشىلار تٸزٸمٸنە قوسىلۋ ٷشٸن تۇرعىلىقتى مەكەنجاي بويىنشا تۇراقتى نەمەسە ۋاقىتشا تٸركەلۋ شارت.
