فوتو: visaget.ru
سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ قازاقستاندىقتار ٷشٸن ەۋروپالىق وداققا كٸرەتٸن ۆيزا تەرتٸبٸن جەڭٸلدەتۋ مەسەلەسٸن تٷسٸندٸردٸ, دەپ حابارلايدى Sputnik قازاقستان.
بيىل سىرتقى ٸستەر مينيسترٸ بريۋسسەلگە باردى. ساپار بارىسىندا ەۋروپالىق وداقتىڭ ۆيزا مەسەلەسٸنە جاۋاپ بەرەتٸن جوعارى لاۋازىمدى تۇلعالارمەن كەزدەسۋ ٶتتٸ. سماديياروۆتىڭ ايتۋىنشا, ەكٸ تاراپ قازاقستاندىقتار ٷشٸن ۆيزا تەرتٸبٸن جەڭٸلدەتۋ جٶنٸندە ساياسي شەشٸمگە كەلدٸ.
"ٶتكەن اپتادا كونسۋلدىق مەسەلەلەرگە جاۋاپتى سىرتقى ٸستەر مينيسترٸنٸڭ ورىنباسارى قازاقستانداعى ەۋروپا ەلشٸلٸكتەرٸنٸڭ ٶكٸلدەرٸمەن كەزدەستٸ. سوندا ەۋروپالىق تاراپ وسى مەسەلەگە قاتىستى ٷلكەن قىزىعۋشىلىقتىڭ بار ەكەنٸن راستادى. بارلىعى بۇل باعىتتا جۇمىستى جالعاستىرۋعا دايىن", - دەدٸ سماديياروۆ بٷگٸنگٸ بريفينگتە.
مينيسترلٸكتٸڭ رەسمي ٶكٸلٸ ناقتى مەرزٸمدٸ اتاعان جوق. سەبەبٸ ەۋروپالىق وداققا كٸرەتٸن 27 ەلدٸڭ ەربٸرٸمەن كەلٸسۋ كەرەك.
"بٸز مٸندەتتٸ تٷردە الدىمەن ەربٸر ەلمەن جەكە-جەكە سٶيلەسەمٸز. ەرٸ قاراي بريۋسسەلدە تاعى تالقىلانادى", - دەپ اتاپ كٶرسەتتٸ سماديياروۆ.
ۆيزا تەرتٸبٸن جەڭٸلدەتۋ اياسىندا قۇجاتتاردى قاراستىرۋ مەرزٸمٸن قىسقارتۋ, كونسۋلدىق الىمنىڭ مٶلشەرٸن تٶمەندەتۋ جەنە تاعى باسقا مەسەلەلەر قارالادى.
