ساياسي پارتييالاردىڭ مەجٸلٸسكە ٶتۋ شەگٸن 7-دەن 5% تٶمەندەتۋٸمٸز كەرەك. بۇل تۋرالى 7-ٸنشٸ شاقىرىلعان پارلامەنتتٸڭ العاشقى وتىرىسىندا پرەزيدەنت قاسىم جومارت توقاەۆ ايتتى, دەپ حابارلايدى "ۇلت اقپارات".
«بٸز وسى جولعى سايلاۋ ناۋقانى كارانتين شەكتەۋلەرٸنە قاراماستان قانشالىقتى قىزۋ ٶتكەنٸنە بەرٸمٸز كۋە بولدىق. كەيبٸر پارتييالاردىڭ مەجٸلٸس پەن مەسليحاتتارعا ٶتۋٸنە سەل عانا داۋىس جەتپەي قالدى. ولاردىڭ ەرقايسىسىندا بەلگٸلٸ بٸر سالانى جەتٸك مەڭگەرگەن, بٸلٸمدٸ, بٸلٸكتٸ ازاماتتار دا بار. سولار پارلامەنتتٸڭ بيٸك مٸنبەرٸنەن ايتۋعا تيٸس كٶپتەگەن ٶزەكتٸ مەسەلەلەردٸ دەر كەزٸندە ەرٸ ورىندى كٶتەرٸپ جٷر. وسىنداي پارتييالاردىڭ ٶكٸلدەرٸ پارلامەنتكە ٶتسە, ونداعى پٸكٸرتالاستى قىزدىرا تٷسەر ەدٸ, ورتاق جۇمىسقا تيٸمدٸ بولار ەدٸ», - دەدٸ مەملەكەت باسشىسى.
قر پرەزيدەنتٸ مۇنداي ازاماتتاردىڭ زاڭ شىعارۋ جۇمىسىنىڭ ساپاسىن ارتتىرۋعا دا سٷبەلٸ ٷلەس قوسارى انىق ەكەندٸگٸن باسا ايتتى.
«سوندىقتان ساياسي پارتييالاردىڭ مەجٸلٸسكە ٶتۋ شەگٸن 7-دەن 5 پايىزعا تٶمەندەتۋٸمٸز كەرەك. وسىنداي شەشٸمدٸ قابىلدايتىن ۋاقىت كەلدٸ. ٶيتكەنٸ اتالعان نورما زاڭ جٷزٸندە تٸركەلگەن پارتييالاردى الداعى سايلاۋلارعا قاتىسۋعا ىنتالاندىرادى. سونداي-اق ەلدەگٸ ساياسي بەسەكەنٸڭ دامۋىنا سەپتٸگٸن تيگٸزەدٸ. بۇل باستاما مەملەكەتتٸك ساياساتتى جٷرگٸزۋ ٷشٸن حالىقتىڭ پٸكٸرٸن نەعۇرلىم كٶبٸرەك قامتىپ, ەسكەرٸپ وتىرۋعا مٷمكٸندٸك بەرەدٸ», - دەدٸ قاسىم-جومارت توقاەۆ.
