1971 جىلى ۇرپاققا امانات ەتٸپ جازىلعان ٶسيەت حاتتا مايداندا قازا تاپقان ەرلەردٸڭ ەسٸمٸ كٶرسەتٸلٸپ, سوعىستان كەيٸنگٸ حالىقتىڭ تۇرمىسى باياندالعان, دەپ حابارلايدى قازاقپارات.
جەڭٸس مەرەكەسٸنٸڭ 77 جىلدىعى قارساڭىندا ساۋران اۋدانى جٷينەك اۋىلدىق وكرۋگٸندە وسىدان 50 جىل بۇرىن ۇرپاققا امانات ەتٸپ جازىلعان ٶسيەت حات سالتاناتتى تٷردە اشىلدى.
ٸس-شارا بارىسىندا حاتتا جازىلعان جٷينەكتٸك 149 سوعىسقا قاتىسۋشىنىڭ تٸزٸمٸ وقىلدى.
بابالاردىڭ ٶسيەت حاتىن 1971 جىلى س. ازيموۆا ەسٸمدٸ اۋىل تۇرعىنى جازىپ الىپ, ارنايى كاپسۋلامەن جەرگە كٶمٸپ, ساقتاعان ەكەن. سول كەزدە 10-سىنىپ وقۋشىسى بولعان س. ازيموۆا بٷگٸندە 4 پەرزەنتتٸڭ اياۋلى اناسى, 16 نەمەرەنٸڭ ارداقتى ەجەسٸ اتانىپ وتىر.
اتالعان شاراعا ساۋران اۋدانىنىڭ ەكٸمٸ عاني رىسبەكوۆ, وبلىستىق قوعامدىق دامۋ باسقارماسى «قوعامدىق كەلٸسٸم» كمم-نٸڭ باسشىسى ەلميرا جانعازيەۆا, سونداي-اق ەتنوس ٶكٸلدەرٸ, جاستار مەن جەرگٸلٸكتٸ تۇرعىندار قاتىستى.
