1971 jyly urpaqqa amanat etip jazylǵan ósiet hatta maidanda qaza tapqan erlerdiń esimi kórsetilip, soǵystan keiingi halyqtyń turmysy baiandalǵan, dep habarlaidy QazAqparat.
Jeńis merekesiniń 77 jyldyǵy qarsańynda Saýran aýdany Júinek aýyldyq okrýginde osydan 50 jyl buryn urpaqqa amanat etip jazylǵan ósiet hat saltanatty túrde ashyldy.
Is-shara barysynda hatta jazylǵan júinektik 149 soǵysqa qatysýshynyń tizimi oqyldy.
Babalardyń ósiet hatyn 1971 jyly S. Azimova esimdi aýyl turǵyny jazyp alyp, arnaiy kapsýlamen jerge kómip, saqtaǵan eken. Sol kezde 10-synyp oqýshysy bolǵan S. Azimova búginde 4 perzenttiń aiaýly anasy, 16 nemereniń ardaqty ájesi atanyp otyr.
Atalǵan sharaǵa Saýran aýdanynyń ákimi Ǵani Rysbekov, oblystyq qoǵamdyq damý basqarmasy «Qoǵamdyq kelisim» KMM-niń basshysy Elmira Janǵazieva, sondai-aq etnos ókilderi, jastar men jergilikti turǵyndar qatysty.
