بٷگٸن ساۋدا جەنە ينتەگراتسييا مينيسترٸ باقىت سۇلتانوۆ پەن «اتامەكەن» ۇكپ تٶراعاسى ابىلاي مىرزاحمەتوۆ ٶزارا تٷسٸنٸستٸك جەنە ىنتىماقتاستىق تۋرالى مەموراندۋمعا قول قويدى, دەپ حابارلايدى قازاقپارات تٸلشٸسٸ.
ساۋدا جەنە ينتەگراتسييا مينيسترلٸگٸنٸڭ القا وتىرىسى اياسىندا رەسٸمدەلگەن قۇجاتتا ٸشكٸ جەنە سىرتقى ساۋدانى دامىتۋ, وتاندىق ٶندٸرۋشٸلەردٸڭ ٶنٸمدەرٸن ٸلگەرٸلەتۋ مەن شيكٸزاتتىق ەمەس ەكسپورتتى ٶتكٸزۋ نارىقتارىن كەڭەيتۋ, ەۋرازييالىق ەكونوميكالىق وداق, دٷنيەجٷزٸلٸك ساۋدا ۇيىمى جەنە ٷشٸنشٸ ەلدەرمەن ساۋدا جاساۋ شەگٸندە ٶزارا ٸس-قيمىلدى نىعايتۋ كٶزدەلگەن.
مەموراندۋمدا ستاتيستيكالىق دەرەكتەردٸ قوسا العاندا ساۋدا قىزمەتٸ مەسەلەلەرٸ بويىنشا اقپارات الماسۋ, قازاقستانعا قاتىستى دسۇ مەن ەاەو مٷشەلەرٸنٸڭ بۇزۋشىلىق فاكتٸلەرٸ, سىرتقى نارىقتا وتاندىق كەسٸپكەرلەرگە كەدەرگٸلەر مەن شەكتەۋلەر تۋرالى اقپاراتپەن الماسۋ قاراستىرىلعان.
«بۇل قۇجات وتاندىق بيزنەس مٷددەسٸندە ساۋدانى دامىتۋ بويىنشا ۇزاق مەرزٸمدٸ ىنتىماقتاستىق پەن ٶزارا جەمٸستٸ جۇمىس ٸستەۋدٸڭ نەگٸزٸ بولاتىنىنا سەنٸمدٸمٸز», - دەدٸ «اتامەكەن» ۇكپ ابىلاي مىرزاحمەتوۆ.
