ساۋد ارابيياسى كوروناۆيرۋس ٸندەتٸمەن كٷرەسٸپ, قايتىس بولعان ەربٸر مەديتسينا قىزمەتكەرٸنٸڭ وتباسىنا 133 مىڭ اقش دوللارى كٶلەمٸندە ٶتەماقى تٶلەي باستادى. بۇل تۋرالى 8 تامىزدا ساۋد ارابيياسىنىڭ مەملەكەتتٸك اقپارات قۇرالدارى حابارلادى.
باق-تىڭ جازۋىنشا, ٷكٸمەت دەنساۋلىق ساقتاۋ سالاسىندا ەڭبەك ەتٸپ, كوروناۆيرۋستان قايتىس بولعان ادامنىڭ وتباسىنا 500 مىڭ رييال (133 مىڭ دوللار – رەد.) كٶلەمٸندە ٶتەماقى تٶلەيدٸ. ٶتەماقىنى مەملەكەتتٸك نەمەسە جەكە كلينيكادا ٸستەگەن, ازاماتتىق نەمەسە ەسكەري سالادا ەڭبەك ەتكەن مارقۇمنىڭ وتباسى الا الادى. بيلٸك قىزمەتكەرلەردٸڭ ازاماتتىعىنا دا قاراماۋعا ۋەدە بەرگەن.
مەملەكەتتٸك SPA اقپارات اگەنتتٸگٸنٸڭ جازۋىنشا, ولار "اراب ەمٸرلٸگٸندەگٸ ازاماتتار مەن تۇرعىنداردىڭ دەنساۋلىعىن قورعاپ, قاۋٸپسٸزدٸگٸن قامتاماسىز ەتۋ ٷشٸن ٶمٸرٸن سارپ ەتكەن".
بيلٸك ٸندەت باستالعالى بەرٸ 8320 ادامنىڭ كوروناۆيرۋستان قايتىس بولعانىن حابارلاعان. بٸراق دەنساۋلىق ساقتاۋ مينيسترلٸگٸ ولاردىڭ اراسىندا قانشا دەرٸگەر بارىن ناقتىلاماعان.
