Saýd Arabiiasy koronavirýs indetimen kúresip, qaitys bolǵan árbir meditsina qyzmetkeriniń otbasyna 133 myń AQSh dollary kóleminde ótemaqy tólei bastady. Bul týraly 8 tamyzda Saýd Arabiiasynyń memlekettik aqparat quraldary habarlady.
BAQ-tyń jazýynsha, úkimet densaýlyq saqtaý salasynda eńbek etip, koronavirýstan qaitys bolǵan adamnyń otbasyna 500 myń riial (133 myń dollar – red.) kóleminde ótemaqy tóleidi. Ótemaqyny memlekettik nemese jeke klinikada istegen, azamattyq nemese áskeri salada eńbek etken marqumnyń otbasy ala alady. Bilik qyzmetkerlerdiń azamattyǵyna da qaramaýǵa ýáde bergen.
Memlekettik SPA aqparat agenttiginiń jazýynsha, olar "Arab ámirligindegi azamattar men turǵyndardyń densaýlyǵyn qorǵap, qaýipsizdigin qamtamasyz etý úshin ómirin sarp etken".
Bilik indet bastalǵaly beri 8320 adamnyń koronavirýstan qaitys bolǵanyn habarlaǵan. Biraq densaýlyq saqtaý ministrligi olardyń arasynda qansha dáriger baryn naqtylamaǵan.
