اقتٶبە قالالىق سوتى تەرروريزمدٸ ناسيحاتتادى دەگەن ايىپ تاعىلعان اسىلبەك نىسانوۆقا قاتىستى ٷكٸم شىعاردى. ول قىلمىستىق كودەكستٸڭ 256-بابىنىڭ 2-بٶلٸگٸ («تەرروريزمدٸ ناسيحاتتاۋ نەمەسە تەرروريزم اكتٸسٸن جاساۋعا جارييا تٷردە شاقىرۋ») بويىنشا كٸنەلٸ دەپ تانىلىپ, 8 جىلعا باس بوستاندىعىنان ايىرىلدى, دەپ حابارلايدى ult.kz.
ٸس ماتەريالدارىنا سەيكەس, اسىلبەك نىسانوۆ ساۋد ارابيياسىنا قونىس اۋدارعاننان كەيٸن بٸرنەشە ادامعا تەرروريزمدٸ ناسيحاتتايتىن ماتەريالداردى جٸبەرگەن. سوت بارىسىندا ول كٸنەسٸن تولىق مويىنداپ, ەلەۋمەتتٸك جەلٸدە تەك دايىن مەتٸندەردٸ بٶلٸسكەنٸن مەلٸمدەدٸ. سونداي-اق پروتسەستٸك كەلٸسٸم جاساۋ تۋرالى ٶتٸنٸشحات بەرگەن.
الايدا پروكۋراتۋرا بۇل ٶتٸنٸشتٸ قولداماعاندىقتان, سوت ونى قاناعاتتاندىرمادى.
سوت ٷكٸمٸنە سەيكەس, نىسانوۆ 8 جىل مەرزٸمگە باس بوستاندىعىنان ايىرىلىپ, جازاسىن قىلمىستىق-اتقارۋ جٷيەسٸنٸڭ قاۋٸپسٸزدٸگٸ ورتاشا مەكەمەسٸندە ٶتەيدٸ.
ەسكە سالايىق, سوتتالۋشى بيىل ساۋد ارابيياسىنان قازاقستانعا ەكستراديتسييالانعان بولاتىن. ال وعان قاتىستى قىلمىستىق ٸس شامامەن جەتٸ جىل بۇرىن قوزعالعان.
