ەلوردادا «ۋاقىپ» كورپوراتيۆتٸك قايىرىمدىلىق قورىنىڭ تانىستىرىلىمى بولىپ ٶتتٸ, دەپ حابارلايدى "ۇلت اقپارات" قر دٸن ٸستەرٸ جەنە ازاماتتىق قوعام مينيسترلٸگٸنە سٸلتەم جاساپ.
شارا بارىسىندا «ۋاقىپ» قايىرىمدىلىق قورى قامقورشىلار كەڭەسٸنٸڭ تٶراعاسى, مينيستر نۇرلان ەرمەكباەۆ سٶز سٶيلەپ, قازاقستاندا يگٸلٸكتٸ, ساۋاپتى ٸستەر جاساۋعا نيەتتٸ ادامداردىڭ قاتارى كٶبەيٸپ كەلە جاتقانىن باسا ايتتى.
«دٸن جولىندا «ساۋاپتى ٸس» جاساۋ ٷشٸن تەك قانا مەشٸت سالۋ مٸندەتتٸ ەمەس. قوعام ٷشٸن پايدالى بولىپ ەسەپتەلەتٸن كەز-كەلگەن يگٸلٸكتٸ ٸستٸ جاساۋعا بولادى. ونىڭ ٸشٸندە مەكتەپتەر, اۋرۋحانالار, جول سالۋ, كٶپٸر سالۋ سەكٸلدٸ قوعامعا پايدالى كەز كەلگەن ٸس ساۋاپقا جاتادى. قوردىڭ جۇمىسى اتالعان مەسەلەنٸ شەشۋگە باعىتتالعان. ول قايىرىمدىلىق جاساۋ جولىنداعى ٸستەردٸ تيٸمدٸ جٷيەگە سالۋعا ٷلەس قوسادى. ەڭ باستىسى - بەرٸ اشىق جەنە قوعام ٷشٸن پايدالى بولۋى تيٸس», - دەدٸ نۇرلان ەرمەكباەۆ.
قوردىڭ قاراجاتى دٸني عيماراتتار مەن ەلەۋمەتتٸك نىسانداردى سالۋعا, دٸني قىزمەتكەرلەر مەن كەدەيلەرگە, جۇمىسسىزدار مەن مٷگەدەكتەرگە قولداۋ كٶرسەتۋگە ارنالعان جوبالاردى ٸسكە اسىرۋعا باعىتتالادى.
ن. ەرمەكباەۆتىڭ ايتۋىنشا, مۇنداي مەكەمەلەر قايىرىمدىلىق جاساۋ دەستٷرلەرٸ قالىپتاسقان كٶپتەگەن ەلدەردە كەڭ تارالعان. «ۆاكف» ينستيتۋتى مۇسىلمان ەلدەرٸنٸڭ حالىقتارى اراسىندا كەڭٸنەن قولدانىلادى, سونداي-اق ارنايى قۇرىلعان «ۆاكف» مينيسترلٸكتەرٸ دە جۇمىس ٸستەيدٸ. اتالعان جٷيە قازٸردٸڭ ٶزٸندە تاياۋ شىعىستاعى يسلام ەلدەرٸندە عانا ەمەس, سونىمەن قاتار زايىرلى مەملەكەتتەردە دە جٷزەگە اسىرىلۋدا. مىسالى, رەسەي فەدەراتسيياسىنىڭ كەيبٸر ٶڭٸرلەرٸندە, قىرعىزستان مەن تٷركييادا بار.
ٸس-شارا سوڭىندا «ۋاقىپ» قورى مەن «ال ساكر فينانس» اق, «استانا بانكٸ» اق اراسىنداعى ىنتىماقتاستىق تۋرالى مەموراندۋمدار بەكٸتٸلٸپ, مەتسەناتتار قايىرىمدىلىق كٶمەك كٶرسەتۋگە ۋاعدالاستى.
