قازاقستاندا تۇتىنۋشىلار شاعىمىن قاراۋدىڭ ٷش دەڭگەيلٸ مەحانيزمٸ ەنگٸزٸلەدٸ. بۇل تۋرالى قر پارلامەنتٸ سەناتىنىڭ جالپى وتىرىسىندا تۇتىنۋشىلار قۇقىعىن قورعاۋ مەسەلەلەرٸ كٶزدەلگەن زاڭ جوباسىن تانىستىرعان قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى قازاقپارات.
«زاڭ جوباسى 7 زاڭنامالىق اكتٸگە, ونىڭ ٸشٸندە 3 كودەكس پەن 4 زاڭعا 200-گە جۋىق تٷزەتۋلەردٸ ەنگٸزۋدٸ كٶزدەيدٸ. ولاردىڭ نەگٸزگٸ باعىتتارى: بٸرٸنشٸدەن, حالىققا تۇتىنۋشىلار قۇقىعىن قورعاۋدىڭ تۇتاس جەنە تيٸمدٸ جٷيەسٸن قالىپتاستىرۋ; ەكٸنشٸدەن, ۋەكٸلەتتٸ ورگاننىڭ, ونىڭ ٸشٸندە تيٸستٸ سالالاردا تۇتىنۋشىلار قۇقىعىن قورعاۋدى جٷزەگە اسىراتىن مەملەكەتتٸك ورگانداردىڭ قىزمەتٸن ٷيلەستٸرۋ جٶنٸندەگٸ رٶلٸن كٷشەيتۋ; ٷشٸنشٸدەن, ٷكٸمەتتٸك ەمەس ۇيىمداردى ينستيتۋتسيونالدىق كٷشەيتۋگە جەنە تۇتىنۋشىلاردىڭ قۇقىقتارىن قورعاۋدىڭ كٶپ دەڭگەيلٸ جٷيەسٸنە بەلسەندٸ تارتۋعا, سونداي-اق ولاردى قولداۋ», - دەدٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇتىنۋشىلار قۇقىعىن قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىنىڭ جوباسىن تانىستىرعان مينيستر.
ونىڭ اتاپ ٶتۋٸنشە, زاڭ جوباسىمەن شاعىمداردى قاراۋدىڭ ٷش دەڭگەيلٸ مەحانيزمٸ ەنگٸزٸلەدٸ. I دەڭگەيدە ساتۋشىنىڭ شاعىمدى ٶز ەركٸمەن نەمەسە داۋلاردى سوتقا دەيٸنگٸ رەتتەۋ سۋبەكتٸلەرٸ ارقىلى قاراۋ كٶزدەلەدٸ. اتالعان مەحانيزمدٸ زاڭنامالىق بەكٸتۋدٸڭ نەگٸزگٸ ماقساتى - بۇزىلعان قۇقىقتاردى قالپىنا كەلتٸرۋ, مورالدىق جەنە ماتەريالدىق زالالدى «قازٸر جەنە وسىندا» پرينتسيپٸ بويىنشا قىسقا ۋاقىتتا از شىعىنمەن ٶتەۋ. بۇل رەتتە تۇتىنۋشىنىڭ قالاۋىمەن داۋ سوتقا دەيٸن رەتتەۋ اياسىندا شەشٸلەدٸ.
«II دەڭگەيدە شاعىمدار ۋەكٸلەتتٸ ورگانعا جٸبەرٸلەدٸ. ساتۋشىلار بۇزۋشىلىقتاردى ٶز ەركٸمەن جويۋدان باس تارتقان جاعدايدا ەكٸمشٸلٸك جاۋاپكەرشٸلٸككە تارتىلادى. III دەڭگەي – سوتقا شاعىم بەرۋ. سوتقا دەيٸنگٸ رەتتەۋ ينستيتۋتىنىڭ ەنگٸزٸلگەنٸن ەسكەرە وتىرىپ, سوتتار تۇتىنۋشى مەن ساتۋشى اراسىندا ٶزارا تيٸمدٸ كەلٸسٸمٸ جوق داۋلاردى قارايدى. ٷش دەڭگەيلٸ مەحانيزمدٸ رەت-رەتٸمەن قولدانۋ سوت ورگاندارىنا تٷسەتٸن جٷكتەمەنٸ تٶمەندەتۋگە الىپ كەلەدٸ دەپ ويلايمىز», - دەدٸ باقىت سۇلتانوۆ.
