سەتباەۆ قالالىق سوتى ادام ٶلٸمٸنە قاتىستى اتىشۋلى ٸس بويىنشا ٷكٸم شىعاردى. سوتتالۋشى 10 جىلعا باس بوستاندىعىنان ايىرىلدى, - دەپ حابارلايدى Tengrinews.kz اگەنتتٸگٸ.
بٷگٸن سەتباەۆ قالالىق سوتىندا 28 جاستاعى دەۋلەت التىنبەكوۆتٸڭ ٶلٸمٸنە سەبەپشٸ بولعان ٸس بويىنشا سوت ٷكٸمٸ شىقتى. قازاقستان رەسپۋبليكاسى قىلمىستىق كودەكسٸنٸڭ 106-بابى 3-بٶلٸگٸ "دەنساۋلىققا قاساقانا اۋىر زييان كەلتiرۋ" بويىنشا ايىپتالعان سوتتالۋشى 10 جىلعا باس بوستاندىعىنان ايىرىلدى.
"سوتتالۋشى قازاقستان رەسپۋبليكاسى قىلمىستىق كودەكسٸنٸڭ 106-بابى 3-بٶلٸگٸ بويىنشا كٸنەلٸ دەپ تانىلىپ, 9 جىلعا باس بوستاندىعىنان ايىرىلدى. سونداي-اق, بۇل مەرزٸمگە قازاقستان رەسپۋبليكاسى قىلمىستىق كودەكسٸنٸڭ 106-بابى 1-بٶلٸگٸندە كٶزدەلگەن قىلمىستى جاساعانى ٷشٸن بۇرىن ٶتەلمەگەن مەرزٸمٸ قوسا بەرٸلدٸ. سوتتالۋشى 10 جىلعا باس بوستاندىعىنان ايىرىلدى, جازاسىن ورتاشا قاۋٸپسٸزدٸكتەگٸ تٷزەۋ مەكەمەسٸندە ٶتەيدٸ", - دەپ ٷكٸمدٸ جارييالادى سۋديا دەۋرەن يبراەۆ.
سونىمەن قاتار, سۋديا سەتباەۆ قالاسىنىڭ پروكۋراتۋراسىنا سوتالدى تەرگەپ-تەكسەرۋ ساتىسىندا قاراما-قايشى ايعاقتار بەرگەن ٸس بويىنشا كۋەگەرلەردٸڭ بٸرٸن جاۋاپقا تارتۋ تۋرالى جەكە ۇيعارىم شىعاردى.
سوڭعى سٶزٸندە سوتتالۋشى ٶز كٸنەسٸن مويىنداپ, جەبٸرلەنۋشٸ تاراپتان كەشٸرٸم سۇرادى. الايدا مارقۇم دەۋلەت التىنبەكوۆتٸڭ تۋىستارى سوت ٷكٸمٸمەن كەلٸسپەيدٸ. ولار سوتتالۋشىنى "ادام ٶلتٸرۋ" بابى بويىنشا قىلمىستىق جاۋاپكەرشٸلٸككە تارتۋدى تالاپ ەتتٸ.
"سوتتالۋشى بۇرىن 106-باپ بويىنشا سوتتالعان. جازاسىن سوڭىنا دەيٸن ٶتەمەي, ەكٸنشٸ رەت قىلمىس جاسادى. ول اعامدى سان ارتەريياسىنان جارالادى. الماتىدا مەنەرلەپ سىرعاناۋشى دەنيس تەنگە قاتىستى وسىنداي قىلمىسقا نەگە قاتاڭ جازا بەرٸلدٸ? ال اعامىزدى ٶلتٸرگەنٸ ٷشٸن ازىراق? بۇل ەدٸلەتسٸزدٸك", – دەيدٸ مارقۇمنىڭ ەپكەسٸ نىشانقۇل توپشاق.
سوت ٷكٸمٸ ەلٸ زاڭدى كٷشٸنە ەنگەن جوق.
ەسكە سالايىق, بىلتىر قاراشادا سەتباەۆتاعى دەمحانادا 28 جاستاعى دەۋلەتبەك التىنبەكوۆ جاراقات العان بولاتىن. ونى تانىسى پىشاقتاپ كەتكەن. جەبٸرلەنۋشٸ كٶپ قان جوعالتىپ قازا بولدى. مارقۇمنىڭ تۋىستارى كٷدٸكتٸنٸ قاساقانا كٸسٸ ٶلتٸرگەنٸ ٷشٸن سوتتاۋدى تالاپ ەتٸپ جاتىر.
