«سارىارقا» گاز قۇبىرى 2040 جىلعا قاراي 2,4 ملن تۇرعىنى بار 171 ەلدٸ مەكەندٸ كٶگٸلدٸر وتىنمەن قامتاماسىز ەتەدٸ. بۇل جايىندا قر پرەمەر-مينيسترٸ اسقار ماميننٸڭ مەجٸلٸس دەپۋتاتتارىنىڭ ساۋالىنا بەرگەن جاۋابىندا ايتىلعان, دەپ حابارلايدى "ۇلت اقپارات".
ٷكٸمەت باسشىسىنىڭ اتاپ ٶتۋٸنشە, 2019 جىلدىڭ 27 جەلتوقسانىندا «سارىارقا» ماگيسترالدى گاز قۇبىرىنىڭ 1-كەزەڭٸنٸڭ قۇرىلىسى اياقتالىپ, پايدالانۋعا بەرٸلگەن. گاز قۇبىرىنىڭ جەلٸلٸك بٶلٸكتەن باسقا استانا-1, استانا-2, قاراعاندى, تەمٸرتاۋ جەن جەزقازعان اۆتوماتتاندىرىلعان گاز تاراتۋ ستانساسى بار. مۇنان بٶلەك, كەلەشەكتە جەرگٸلٸكتٸ اتقارۋشى ورگاندار تاراپىنان جەيرەم, ارشالى, وساكاروۆ, اتاسۋ, س.سەيفۋللين, شاحتينسك اۆتوماتتاندىرىلعان گاز تاراتۋ ستانساسىن سالۋ كٶزدەلٸپ وتىر.
«سارىارقا» جوباسىنىڭ تەحنيكالىق-ەكونوميكالىق نەگٸزدەمەسٸنە سەيكەس, «سارىارقا» ماگيسترالدى گاز قۇبىرىنىڭ بٸرٸنشٸ كەزەڭٸندە 2040 جىلعا قاراي 2,7 ملن تۇرعىنى بار 171 ەلدٸ مەكەندٸ گازداندىرۋ جوسپارلانعان. ياعني, گاز قۇبىرىنىڭ گيدراۆليكالىق قۋاتى جەتكٸلٸكتٸ جەنە قوسىمشا پاراللەل تارماق قۇرىلىسىن قاجەت ەتپەيدٸ. قازٸرگٸ ۋاقىتتا نۇر-سۇلتان قالاسىندا, اقمولا مەن قاراعاندى وبلىستارىندا ماگيسترالدى گاز قۇبىرىنا قوسۋ ٷشٸن گاز تاراتۋ جەلٸلەرٸ قۇرىلىسىنىڭ 1-كەزەگٸ جوسپارلانعان. ول ۆەدومستۆودان تىس ساراپتامادان تولىقتاي ٶتٸپ, وڭ قورىتىندى الدى. نۇر-سۇلتان قالاسى مەن قاراعاندى وبلىسىندا گاز تاراتۋ جەلٸسٸنٸڭ قۇرىلىسى ٶتكەن جىلدىڭ كٷز ايىندا باستالدى. ولاردى قارجىلاندىرۋ ٷشٸن 2019 جىلى رەسپۋبليكالىق بيۋدجەتتەن نۇر-سۇلتان قالاسىنا 3 ملرد, قاراعاندى وبلىسىنا 2,4 ملرد تەڭگە بٶلٸندٸ. اتالعان قارجى تولىقتاي يگەرٸلدٸ», - دەدٸ ول.
پرەمەر-مينيستردٸڭ دەرەگٸنشە, 2020-2022 جىلدارعا ارنالىپ بەكٸتٸلگەن بيۋدجەتتە نۇر-سۇلتان قالاسىنا 8,6 ملرد تەڭگە, قاراعاندى وبلىسىنا 58,8 ملرد تەڭگە قاراستىرىلعان.
«اقمولا وبلىسىندا مەملەكەتتٸك ساراپتاما قورىتىندىسىن كەش الۋعا بايلانىستى قۇرىلىس جۇمىستارى باستالعان جوق. دەگەنمەن, قازٸرگٸ ۋاقىتتا بۇل مەسەلە شەشٸلدٸ جەنە اقمولا وبلىسىنىڭ ەكٸمدٸگٸ مەردٸگەر ۇيىمدى ايقىنداۋعا ارنالعان كونكۋرستىق پروتسەدۋرانى جٷرگٸزٸپ جاتىر. بۇعان قوسا, اقمولا وبلىسىنىڭ ەكٸمدٸگٸ 2020 جىلى رەسپۋبليكالىق بيۋدجەتتەن گاز تاراتۋ جەلٸسٸ قۇرىلىسىن قارجىلاندىرۋعا ارنالعان بيۋدجەتتٸك ٶتٸنٸمدٸ ەنەرگەتيكا مينيسترلٸگٸنە ەنگٸزدٸ. اتالعان بيۋدجەتتٸك ٶتٸنٸم 2020 جىلعا ارنالعان رەسپۋبليكالىق بيۋدجەتتٸ بٸرٸنشٸ ناقتىلاۋ بارىسىندا رەسپۋبليكالىق بيۋدجەتتٸك كوميسسييانىڭ قاراۋىنا ەنگٸزٸلەتٸن بولادى. اتالعان ٶڭٸردە گاز تاراتۋ جەلٸسٸن سالۋ مەسەلەسٸ ٷكٸمەتتٸڭ تۇراقتى باقىلاۋىندا تۇر. سونىمەن قاتار قازٸرگٸ ۋاقىتتا ٷكٸمەت ەلدٸڭ سولتٷستٸك ٶڭٸرلەرٸن گازداندىرۋ ٷشٸن «سارىارقا» ماگيسترالدى گاز قۇبىرىنىڭ ەكٸنشٸ جەنە ٷشٸنشٸ كەزەڭدەرٸن جٷزەگە اسىرۋ مەسەلەسٸن قاراستىرىپ جاتىر», - دەدٸ اسقار مامين.
