ٶزبەكستان رەسپۋبليكاسىنىڭ باس پروكۋراتۋراسى ساردوبا سۋ قويماسىندا بولعان وقيعاعا قاتىستى رەسمي مەلٸمدەمە جاسادى, دەپ حابارلايدى ٶزا اگەنتتٸگٸ.
بيىل 1 مامىردا «ساردوبا» بٶگەتٸنٸڭ بۇزىلۋى سالدارىنان ٷلكەن اۋماقتاعى ەلدٸ مەكەندەردٸ سۋ باسقاندىقتان, ٶزبەكستان رەسپۋبليكاسى قىلمىستىق كودەكسٸنٸڭ 207 جەنە 258-باپتارى بويىنشا قىلمىستىق ٸس قوزعالىپ, تەرگەۋ امالدارى جٷرگٸزٸلۋدە.
سۋ قويماسى 2010-2017 جىلدارى سالىنعان, وعان مەملەكەتتٸك بيۋدجەتتەن 1,2 ترلن. سۋم جۇمسالعان.
الدىن-الا تەرگەۋ كەزٸندە كەلەسٸ نەگٸزگٸ بولجامدار قاراستىرىلدى: جوبالاۋداعى قاتەلٸكتەر, قۇرىلىس تالاپتارىنىڭ ساقتالماۋى, پايدالانۋ كەزٸندەگٸ كەمشٸلٸكتەر, تابيعي اپات.
ساراپتاما قورىتىندىسىنا وراي, سۋ قويماسىنىڭ بٶگەتٸنٸڭ قۇلاۋىنا كەلەسٸ فاكتورلار سەبەپ بولعان:
1. جوبالىق قۇجاتتاماداعى قاتەلٸكتەر مەن كەمشٸلٸكتەر.
سۋ قويماسىنىڭ تەحنيكالىق-ەكونوميكالىق نەگٸزدەمەسٸ تيٸستٸ ساراپتامادان ٶتٸپ, بەكٸتٸلگەننەن كەيٸن, جوبالاۋشى ٶز بەتٸمەن وعان ٶزگەرٸستەر ەنگٸزگەن.
2. قۇرىلىستاعى قاتەلٸكتەر مەن كەمشٸلٸكتەر.
بٶگەتتٸڭ كورپۋسىن قۇرايتىن توپىراقتىڭ تىعىزدىعى جوبالىق تالاپتارعا قاراعاندا تٶمەن جەنە توپىراق بٶگدە زاتتاردان تازارتىلماعان, ولار شٸرٸپ, ورنىندا قۋىس پايدا بولعان, قورعانىش قاباتىنا تٶسەلگەن تاستاردىڭ ديامەترٸ جوبالىق ٶلشەمدەردەن بٸرنەشە ەسە ٷلكەن ەرٸ جوباعا ساي قالىڭ ەتٸپ تٶسەلمەگەن, ٸرٸ تاستاردىڭ اراسىنا ۇساق تاستار تٶسەلمەگەن.
3. پايدالانۋداعى قاتەلٸكتەر مەن كەمشٸلٸكتەر.
پايدالانۋ پروتسەسٸنە بايلانىستى ەلەۋلٸ ماتەريالدىق جەنە ماتەريالدىق ەمەس كەمشٸلٸكتەرگە جول بەرٸلگەن. اتاپ ايتقاندا, سۋ قويماسىنا قىزمەت كٶرسەتەتٸن «ساردوبا سۋ قويماسى نىساندارىن پايدالانۋ جەنە دامىتۋ ديرەكتسيياسى» قاجەتتٸ ماتەريالدىق-تەحنيكالىق قۇرالدارمەن قامتاماسىز ەتٸلمەگەن. سونىمەن قاتار, سۋ قويماسىن پايدالانۋعا جۇمىلدىرىلعان قىزمەتكەرلەردٸڭ 56%-ىندا قاجەتتٸ بٸلٸم (ماماندىق) بولماعان, 82%-ىنىڭ داعدىسى مەن تەجٸريبەسٸ جوق. سونىڭ سالدارىنان سۋ قويماسىنا ساپالى قىزمەت كٶرسەتٸلمەگەن.
قازٸرگٸ ۋاقىتتا 9 ادام ٶر قىلمىستىق كودەكستٸڭ 167, 205, 207, 209, 258- باپتارى بويىنشا جاۋاپقا تارتىلىپ, ولارعا قاتىستى قاماققا الۋ تٷرٸندەگٸ بۇلتارتپاۋ شاراسى قولدانىلعان.
تەرگەۋ ورگانى تٶتەنشە جاعدايدىڭ سەبەپتەرٸن, وعان جول بەرگەن جاعدايلاردى, كٸنەلٸلەردٸڭ سانىن انىقتاۋ, سونداي-اق كەلتٸرٸلگەن زالالدىڭ ورنىن تولتىرۋدى قامتاماسىز ەتۋ بويىنشا ٸس-شارالار جٷرگٸزٸپ جاتىر.
الدىن الا تەرگەپ-تەكسەرۋدٸ جان-جاقتى جەنە تولىق قامتاماسىز ەتۋ ٷشٸن جەنە قىلمىستىق ٸستٸڭ كٷردەلٸلٸگٸ مەن اۋقىمدىلىعىن ەسكەرە وتىرىپ, باس پروكۋراتۋرا العاشقى تەرگەۋ مەرزٸمٸن 5 ايعا ۇزارتتى.
ەسكە سالا كەتەيٸك, 2020 جىلى 2 مامىردا ٶزبەكستاندا ساردوبا سۋ قويماسىنىڭ بٶگەتٸ جارىلىپ, ەلدٸ مەكەندەر, كوممۋنيكاتسييالىق جەلٸ, ەگٸستٸككە زاقىم كەلگەن. سونىڭ سالدارىنان تٷركٸستان وبلىسىندا 4 اۋىلدى سۋ باسىپ, 620 ٷي بٷلٸندٸ. ماقتاارال اۋدانىندا 2 مامىردا تٷنگٸ 00:00-دە تٶتەنشە جاعداي جارييالاندى. سونداي-اق, ٶزبەكستاندا ساردوبا سۋ قويماسىنداعى بٶگەتتٸڭ بۇزىلۋىنا قاتىستى قىلمىستىق ٸس قوزعالدى.
