ٸٸم جٷيەسٸندە كەزەكتٸ رەت اشىق كادرلىق تاعايىنداۋلار ٶتتٸ. ۆەدومستۆو باسشىلىعى پوليتسييا باسقارمالارىنىڭ باسشىلارى, پوليتسييا دەپارتامەنتٸ باستىعىنىڭ جەنە ۇلتتىق ۇلاننىڭ باس قولباسشىسى ورىنباسارلارى لاۋازىمدارىنا ٷمٸتكەرلەردٸ قارادى, - دەپ حابارلايدى Polisia.kz سايتى.
ۇسىنىلعان كانديداتتاردىڭ ەرقايسىسى جەكە قارالدى. ايتا كەتۋ كەرەك, تاعايىنداۋدىڭ بۇل فورماتى ٷزدٸكتەردٸ انىقتاۋعا جەنە ولاردىڭ جۇمىسىن لايىقتى تٷردە باعالاۋعا مٷمكٸندٸك بەرەدٸ.
مينيستر جەنە ونىڭ ورىنباسارلارى بٸرٸنشٸ كەزەكتە قازاقستان رەسپۋبليكاسى ۇلتتىق ۇلانى باس قولباسشىسىنىڭ ورىنباسارى قىزمەتٸنە “حالىق قاھارمانى” قايرات ٷمبەتوۆتٸڭ كانديداتۋراسىن قارادى.
“ٶزدەرٸڭٸز كٶرٸپ وتىرسىزدار, ول بٷكٸل ساتىنى ٶتتٸ. بٸزدٸڭ ۇلاندارعا دۇرىس تەربيەنٸ “حالىق قاھارمانى” بەرمەسە, باسقا كٸم بەرەدٸ? قايرات جارىلقاسىنۇلى, ۇلاندىقتاردىڭ مورالدىق-پسيحولوگييالىق جاعدايىن شىڭداپ, ساربازدارمەن تەربيە جۇمىستارىن جٷرگٸزۋ قاجەت. سٸزدٸڭ ەرلٸگٸڭٸز ولارعا ٷلگٸ بولادى دەپ ويلايمىن. بۇل تاعايىنداۋمەن بٸز ۇلتتىق ۇلاندى نىعايتامىز دەپ ٷمٸتتەنەمٸن”, – دەدٸ مينيستر مارات احمەتجانوۆ.
ەسكە سالا كەتەيٸك, 2016 جىلى قاراعاندى قۇراماسىنىڭ وقۋ ورتالىعىندا جاتتىعۋدى ورىنداۋ كەزٸندە جارىلعان جاۋىنگەرلٸك گراناتادان پولكوۆنيك ساربازدى ٶز دەنەسٸمەن جاۋىپ, قۇتقارىپ قالعان بولاتىن.
سونداي-اق ٸشكٸ ٸستەر مينيسترٸنٸڭ بۇيرىعىمەن:
- نۇر-سۇلتان قالاسى پوليتسييا دەپارتامەنتٸ باستىعىنىڭ ورىنباسارى لاۋازىمىنا قۋانىش ورىنبەتوۆ;
- پاۆلودار قالاسى پوليتسييا باسقارماسىنىڭ باستىعى لاۋازىمىنا ەرمەك ەلجانوۆ;
- شىمكەنت قالاسى ەڭبەكشٸ اۋداندىق پوليتسييا باسقارماسىنىڭ باستىعى لاۋازىمىنا الماس ەمزەەۆ تاعايىندالدى.
