الماتى وبلىسىندا جاس ساربازدى گراناتا جارىلىسىنان قۇتقارىپ قالعان قر ۇلتتىق قاۋٸپسٸزدٸك كوميتەتٸنٸڭ پولكوۆنيگٸ وردەنمەن ماراپاتتالادى. بۇل تۋرالى پرەزيدەنت قاسىم-جومارت توقاەۆ Twitter-دە جازدى, دەپ حابارلايدى "ۇلت اقپارات".
«ۇقك شەكارا قىزمەتٸنٸڭ پولكوۆنيگٸ س.سميتسكيح ەرلٸك جاسادى. ول الماتىداعى وقۋ-جاتتىعۋ كەزٸندە جاس جاۋىنگەردٸ گراناتا جارىلىسىنان قۇتقارىپ, ٶزٸ جاراقات الىپ قالدى. وردەنمەن ماراپاتتالاتىن بولادى», - دەدٸ مەملەكەت باسشىسى.
بۇعان دەيٸن حابارلاعانىمىزداي, تٶتەنشە وقيعا, كەشە 19 ماۋسىم كٷنٸ الماتى وبلىسىندا ورنالاسقان 2027 ەسكەري بٶلٸمٸندە بولدى.
ساربازدار «ۇرىستىق قول گراناتاسىن وكوپتان, بٸر ورىننان لاقتىرۋ» تاقىرىبى بويىنشا وقۋ-جاتتىعۋ ٶتكٸزٸپ جاتقان. جاس جاۋىنگەرلەردٸڭ بٸرٸ ساسقالاقتاپ, شىعىرشىعىن سۋىرىپ قويعان قولىنداعى گراناتاسىن اياعىنىڭ استىنا تٷسٸرٸپ العان. وسىنى بايقاپ ٷلگەرگەن ساباق جەتەكشٸسٸ, 2027 ەسكەري بٶلٸمٸ كومانديرٸنٸڭ تەربيە جٶنٸندەگٸ ورىنباسارى, پولكوۆنيك سەرگەي سميتسكيح كٶز ٸلەسپەس جىلدامدىقپەن وكوپ تٷبٸندەگٸ گراناتانى ٸلٸپ الىپ, قاۋٸپسٸز جەرگە لاقتىرىپ جٸبەرگەن. ال ٶزٸ ساربازدى جەرگە قۇلاتىپ, بٷكٸل دەنەسٸمەن ونى جابا, ٷستٸنە قۇلاعان.
جارىلعان گراناتانىڭ جارىقشاقتارى وكوپقا دەيٸن جەتٸپ, پولكوۆنيكتٸڭ ەكٸ اياعى مەن ەكٸ قولى, ساربازدىڭ قوس اياعى مەن سول جاق جاۋىرىنى جاراقاتتاندى.
ەسكەري دەرٸگەر العاشقى كٶمەك كٶرسەتكەننەن كەيٸن, جارالانعان پولكوۆنيك پەن سارباز ٸلە اۋدانى ٶتەگەن باتىر كەنتٸنٸڭ ورتالىق اۋداندىق اۋرۋحاناسىنا جەتكٸزٸلدٸ. ولار ودان ەرٸ قاراي الماتى قالاسىنداعى ۇقك ورتالىق ەسكەري گوسپيتالٸنە جٶنەلتٸلدٸ. قازٸرگٸ ۋاقىتتا ەكەۋٸنٸڭ دە جاعدايى بٸرقالىپتى.
