ساراپشىلار قازاقستاندى باي جەنە كەدەي ايماقتارعا بٶلدٸ. ايتۋلارىنشا رەسپۋبليكانىڭ 20 ٶڭٸرٸنٸڭ 9-ىندا عانا تۇرعىندار ورتاشا ەسەپتەن جوعارى تابىس تابادى. بۇل تۋرالى “ينفورمبيۋرو” جاڭالىقتار باعدارلاماسى حابارلايدى.
ساراپشىلار ەسٸرەسە استانانى باي, ال وڭتٷستٸك ايماقتاردى كەدەي دەپ جٸكتەدٸ. سەبەبٸ ەكٸ ايماقتىڭ ورتاشا جالاقىسىنىڭ ايىرماشىلىعى ەكٸ ەسەگە جەتەدٸ. بۇل رەتتە رەسپۋبليكانىڭ 20 ٶڭٸرٸنٸڭ 9-ىندا عانا ورتاشا تابىسى جوعارى تۇرعىندار بار.
اتاپ ايتقاندا ەلوردا تۇرعىندارىنىڭ جان باسىنا شاققانداعى ەڭ ٷلكەن ورتاشا تابىسى – 430 مىڭ تەڭگە. ەكٸنشٸ ورىندى 392 مىڭ تەڭگەمەن الماتىلىقتار يەلەندٸ. قاراعاندىلىقتار 380 مىڭ تەڭگە جالاقىمەن ٷشتٸككە ەنگەن. ال تٷركٸستان وبلىسىنىڭ تۇرعىندارى ەڭ از تابىس تابادى. مۇندا ەڭ ٷلكەن ورتاشا تابىس 212 مىڭ تەڭگە. بٸراق بۇل ٶتكەن جىلمەن سالىستىرعاندا ٷشتەن بٸرگە ارتىق. ودان كەيٸنگٸ تۇرعان جامبىل وبلىسىندا ايلىق جان باسىنا شاققاندا 213 مىڭ تەڭگە. ال شىمكەنتتە شامامەن 220 مىڭ تەڭگە.
ساراپشىلاردىڭ پٸكٸرٸنشە, كەدەي ايماقتاردا جۇمىسسىزدىق باسىم. مەسەلەن وڭتٷستٸكتە جۇمىس ورىندارى ارتىعىمەن جەتسە, سولتٷستٸك پەن باتىستا ەڭبەك تاپشىلىعى بار. سول ٷشٸن ماماندار جاڭا جۇمىس ورىندارىن قۇرىپ, يندۋسترييا مەن بيزنەستٸ دامىتۋ قاجەت ەكەنٸن ايتادى. ال ازاماتتار بۇل رەتتە ٶزدەرٸ ەكونوميكالىق تۇرعىدان ۇتقىر بولۋى كەرەك.
“بٸزدە جۇمىس ورىندارى كٶپ ٶڭٸرلەرگە كٶشەدٸ. بۇل جەردە مەملەكەت تەك ەكونوميكالىق ۇتقىرلىق بويىنشا ىنتالاندىرۋلار جاساي الادى. بيلٸك قانداي دا بٸر ترانسفەرتتەر جٷيەسٸن جاساعانىمەن بۇل ايماقتاردىڭ ەكونوميكالىق جاعدايىن تەڭەستٸرە المايدى”, –دەدٸ AERC باس ديرەكتورى جەنٸبەك ايعازين.
استانادا تۇراقتى ەرٸ جاقسى جالاقى الاتىن شەنەۋنٸكتەر مەن مەملەكەتتٸك قىزمەتكەرلەر ٶتە كٶپ. ال وڭتٷستٸكتە ساۋدا مەن قىزمەت كٶرسەتۋ ٶركەندەپ كەلەدٸ. مۇندا تابىس ساتىپ الۋ قابٸلەتٸنە بايلانىستى. ساراپشىلار ەر ايماقتىڭ جەكە مەملەكەت رەتٸندە دامۋىنا نازار اۋدارۋ كەرەك ەكەنٸن ايتادى.
“بيلٸكتٸڭ ساياسي قۇرىلىمىن ٶزگەرتۋ كەرەك. بٸزدٸڭ ەكٸمدەر ٶز قالتاسىن دامىتۋدان باسقا ەشتەڭەگە مٷددەلٸ ەمەس. ال ولار كەرسٸنشە حالىقتىڭ دامۋىنا, ٶمٸر سٷرۋ دەڭگەيٸنە, كٸرٸستٸ ارتتىرۋعا, جۇمىس ورىندارىن قۇرۋعا ۇمتىلۋى شارت”, – دەدٸ ەكونوميست ايدار ەلٸباەۆ.
سونىمەن قاتار ساراپشىلاردىڭ پٸكٸرٸنشە, "باي سولتٷستٸك پەن كەدەي وڭتٷستٸك" جاعدايى بٸزدٸڭ ەلدە عانا ەمەس, كٶپتەگەن باسقا مەملەكەتتەردە دە قالىپتاسقان. سولتٷستٸككە جۇمىس قولدارى قاجەت, الايدا سۋىققا بايلانىستى مۇندا بارۋعا بەرٸ دايىن ەمەس.
