Sarapshylar Qazaqstandy bai jáne kedei aimaqtarǵa bóldi. Aitýlarynsha respýblikanyń 20 óńiriniń 9-ynda ǵana turǵyndar ortasha esepten joǵary tabys tabady. Bul týraly “Informbiýro” jańalyqtar baǵdarlamasy habarlaidy.
Sarapshylar ásirese Astanany bai, al ońtústik aimaqtardy kedei dep jiktedi. Sebebi eki aimaqtyń ortasha jalaqysynyń aiyrmashylyǵy eki esege jetedi. Bul rette respýblikanyń 20 óńiriniń 9-ynda ǵana ortasha tabysy joǵary turǵyndar bar.
Atap aitqanda elorda turǵyndarynyń jan basyna shaqqandaǵy eń úlken ortasha tabysy – 430 myń teńge. Ekinshi oryndy 392 myń teńgemen almatylyqtar ielendi. Qaraǵandylyqtar 380 myń teńge jalaqymen úshtikke engen. Al Túrkistan oblysynyń turǵyndary eń az tabys tabady. Munda eń úlken ortasha tabys 212 myń teńge. Biraq bul ótken jylmen salystyrǵanda úshten birge artyq. Odan keiingi turǵan Jambyl oblysynda ailyq jan basyna shaqqanda 213 myń teńge. Al Shymkentte shamamen 220 myń teńge.
Sarapshylardyń pikirinshe, kedei aimaqtarda jumyssyzdyq basym. Máselen ońtústikte jumys oryndary artyǵymen jetse, soltústik pen batysta eńbek tapshylyǵy bar. Sol úshin mamandar jańa jumys oryndaryn quryp, indýstriia men biznesti damytý qajet ekenin aitady. Al azamattar bul rette ózderi ekonomikalyq turǵydan utqyr bolýy kerek.
“Bizde jumys oryndary kóp óńirlerge kóshedi. Bul jerde memleket tek ekonomikalyq utqyrlyq boiynsha yntalandyrýlar jasai alady. Bilik qandai da bir transfertter júiesin jasaǵanymen bul aimaqtardyń ekonomikalyq jaǵdaiyn teńestire almaidy”, –dedi AERC bas direktory Jánibek Aiǵazin.
Astanada turaqty ári jaqsy jalaqy alatyn sheneýnikter men memlekettik qyzmetkerler óte kóp. Al ońtústikte saýda men qyzmet kórsetý órkendep keledi. Munda tabys satyp alý qabiletine bailanysty. Sarapshylar ár aimaqtyń jeke memleket retinde damýyna nazar aýdarý kerek ekenin aitady.
“Biliktiń saiasi qurylymyn ózgertý kerek. Bizdiń ákimder óz qaltasyn damytýdan basqa eshteńege múddeli emes. Al olar kersinshe halyqtyń damýyna, ómir súrý deńgeiine, kiristi arttyrýǵa, jumys oryndaryn qurýǵa umtylýy shart”, – dedi ekonomist Aidar Álibaev.
Sonymen qatar sarapshylardyń pikirinshe, "bai soltústik pen kedei ońtústik" jaǵdaiy bizdiń elde ǵana emes, kóptegen basqa memleketterde de qalyptasqan. Soltústikke jumys qoldary qajet, alaida sýyqqa bailanysty munda barýǵa bári daiyn emes.
