«قازاۆتوٶنەركەسٸپ» زتب باسقارما تٶراعاسىنىڭ ورىنباسارى ارتۋر ميسكاريان ەشقايدا تٸركەلمەگەن رەسەيلٸك نٶمٸرمەن جٷرگەن اۆتوكٶلٸكتەرگە قاتىستى پٸكٸر بٸلدٸردٸ, دەپ حابارلايدى قازاقپارات.
ايتا كەتەيٸك, رەسەي نٶمٸرٸ بار, بٸراق سول ەلدە تٸركەۋدە جوق 88 مىڭ كٶلٸك قازاقستان اۋماعىندا جٷرگەنٸ بەلگٸلٸ بولدى.
«قر ٸشكٸ ٸستەر مينيسترلٸگٸنٸڭ رەسەيلٸك ەرٸپتەستەرٸمەن بٸرلەسە جٷرگٸزگەن تەكسەرٸس قازاقستانىڭ جولدارىندا رەسەيدٸڭ ەسەبٸندە تٸركەلمەگەن 88 مىڭ اۆتوكٶلٸك جٷرگەنٸن كٶرسەتتٸ. بۇل ٶز كەزەگٸندە اتالعان كٶلٸكتەر ەشقايدا تٸركەۋدە تۇرماعىنان بٸلدٸرەدٸ. ولارعا قاتىستى كٶلٸك سالىعى رەسەيدە دە, قازاقستاندا دا تٶلەنبەيدٸ», - دەپ جازدى ا. ميسكاريان Telegram كانالىندا.
وسى ورايدا ول اتالعان 88 مىڭ اۆتٶلٸككە توقتالا كەلە, تيٸستٸ سالىستىرمالى كٶرسەتكٸشتەردٸ اتاپ ٶتتٸ.
«2020 جىلى قازاقستان اۋماعىندا 64 790 جەڭٸل كٶلٸك قۇراستىرىلدى. ال Toyota-نىڭ رەسمي ديلەرلەرٸ 10 مىڭ جاڭا كٶلٸكتٸ ساتتى. سول كەزەڭدە LADA 17,5 مىڭ, Hyundai 18 مىڭ كٶلٸك ٶتكٸزدٸ. ەلٸمٸزدە تٸركەلگەن اۆتوكٶلٸكتەردٸڭ پاركٸ 3,84 ملن-عا جەتكەن, سەيكەسٸنشە 88 مىڭ كٶلٸك بارشا اۆتوپاركتٸڭ 2,5 پايىزى. 2020 جىلدىڭ قورىتىندىسى بويىنشا قازاقستانداعى جاڭا كٶلٸكتەردٸڭ بارشا نارىعى (يمپورت پەن جەرگٸلٸكتٸ قۇراستىرۋدى قوسقاندا) 90 مىڭ بولعان», - دەدٸ ول.
«88 مىڭ (رەسەيلٸك نٶمٸردەگٸ) كٶلٸكتٸڭ اراسىندا «كريمينالدى» اۆتوموبيلدەر دە بار. قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆتٸڭ سٶزٸنە قاراعاندا, رف ٸشكٸ ٸستەر مينيسترلٸگٸ تاراپىنان ٸزدەۋدە جٷرگەن 606 كٶلٸك انىقتالدى. وسىنداي 200-دەن استام كٶلٸك تابىلىپ, ايىپ تۇراعىنا قويىلدى. اتاپ ايتقاندا, 2019 جىلدىڭ ماۋسىم ايىندا «قازاۆتوٶنەركەسٸپ» مەمورگاندار مەن قوعامنىڭ نازارىن وسى پروبلەماعا اۋدارىپ, بٸرنەشە ٸس-شارالاردى ۇسىنعان ەدٸك. وسى ورايدا ۋاقىتشا كٸرگٸزۋ رەسٸمدەرٸ مەن ەكەلٸنگەن اۆتوكٶلٸكتەرگە قويىلاتىن تالاپتاردى تٷسٸندٸرۋ, ولاردى ەكٸمشٸلەندٸرۋ جٷيەسٸن رەتكە كەلتٸرۋ, سونداي-اق سول كەزەڭدە كٸرگٸزٸلگەندەرگە مەملەكەتتٸك تٸركەۋ جاساپ, تەحرەگلامەنت پەن قاۋٸپسٸزدٸك تالابىنا سەيكەس كەلمەيتٸندەرگە قاتىستى شارا قابىلداۋ ۇسىنىلعان ەدٸ», - دەدٸ ارتۋر ميسكاريان.
