فوتو: ratel.kz
قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ساپاسىز بايلانىس پەن ينتەرنەت ٷشٸن وپەراتورلار قوماقتى سومادا ايىپپۇل تٶلەپ جاتقانىن ايتتى, دەپ حابارلايدى قازاقپارات.
«قازاقستاندا 6 406 ەلدٸ مەكەن بار, ونىڭ 4 733-ٸ, ياعني 74 پايىزى كەڭ جولاقتى ينتەرنەتكە قوسىلعان. 1 628 ەلدٸ مەكەن 4G-گە قوسىلعان, ال 3 105-ٸ 3G تەحنولوگيياسىمەن قامتاماسىز ەتٸلگەن. بارلىق ەلدٸ مەكەننٸڭ 34 پايىزى ADSL تەحنولوگيياسىمەن, ياعني مىس سىمىمەن قوسىلعان, سونداي-اق وپتيكا جٷيەسٸمەن 26 پايىزى قامتاماسىز ەتٸلٸپ وتىر. سونىمەن قاتار, تۇرعىندار سانى 260 مىڭنان اساتىن 1673 اۋىل كەڭ جولاقتى ۇيالى بايلانىس ينتەرنەتپەن قامتىلماعان. بايلانىس ساپاسىن كٶتەرۋ ماقساتىندا بٸز جىل سايىن «بازالىق ستانتسييالاردىڭ» سانىن كٶبەيتٸپ جاتىرمىز. بٷگٸندە 43 مىڭداي بازالىق ستانتسييا ورناتتىق. دەمەك, جىل سايىن 4 مىڭ جاڭا ستانتسيياعا ٸسكە قوسىلادى», - دەدٸ مۋسين پارلامەنت مەجٸلٸسٸندەگٸ ٷكٸمەت ساعاتىندا.
وسى ورايدا ول زاڭنامالىق ٶزگەرٸستەر ارقىلى وپەراتورلاردى بايلانىس ينفراقۇرىلىمىنا ينۆەستيتسييا سالۋعا ىنتالاندىرۋ تەتٸكتەرٸ بەكٸتٸلگەنٸن ايتتى.
«اتاپ ايتقاندا, ەربٸر بايلانىس تەحنولوگيياسى ٷشٸن ەڭ تٶمەنگٸ ساپا پارامەترلەرٸ بەلگٸلەنگەن. ناقتى ايتاتىن بولساق, 3G-گە سەكۋندىنا 1 مبيت, 4G-گە سەكۋندىنا 5 مبيت ايقىندالدى. بۇل مەحانيزمگە سەيكەس, بەكٸتٸلگەن ساپا كٶرسەتكٸشتەرٸن بٸرٸنشٸ رەت بۇزعانى ٷشٸن ايىپپۇل سوماسى 100 ايلىق ەسەپتٸك كٶرسەتكٸشتەن 1000-عا كٶتەرٸلدٸ. بۇل تالاپ قايتا بۇزىلسا, 200 اەك-تەن 15 مىڭعا دەيٸن جەتەدٸ. شىنىن ايتۋ كەرەك, بۇرىن ايىپپۇل مٶلشەرٸ از بولعان. سول سەبەپتٸ وپەراتورلارعا, باستى جاۋاپكەرشٸلٸكتٸ الماي, جاي عانا ايىپپۇل تٶلەپ جٷرە بەرۋ ىعايلى ەدٸ», - دەدٸ ۆەدومستۆو باسشىسى.
بۇل تۇرعىدا ول ايىپپۇل سوماسىنىڭ ٶسۋٸ وپەراتورلاردى ٶز ينفراقۇرىلىمىنا جاۋاپكەرشٸلٸكپەن قاراۋعا مٸندەتتەيتٸنٸن ايتتى.
«ايىپپۇل مەحانيزمٸ بيۋدجەتكە تٷسەتٸن كٸرٸستٸ كٶتەردٸ. 2022 جىلى بارلىعى 1051 تەكسەرۋ جٷرگٸزٸلٸپ, 1 ملرد 264 ملن تەڭگە سوماسىنا ايىپپۇل جازىلدى. بۇعان قوسا, ايىپپۇل نەتيجەسٸندە وپەراتورلار 700 دەن استام بازالىق ستانتسييا قوسىمشا ورناتتى», - دەدٸ مينيستر.
