جامبىل وبلىسىنىڭ ەكٸمٸ بەردٸبەك ساپارباەۆتىڭ تٶراعالىعىمەن ٶتكەن كەڭەستە مەملەكەتتٸك ساتىپ الۋلارداعى, قۇرىلىس-مونتاج جۇمىستارىنداعى جەنە ٶنەركەسٸپ سەكتورىنداعى جەرگٸلٸكتٸ قامتۋ ٷلەسٸن ارتتىرۋ مەسەلەلەرٸ تالقىلاندى, دەپ حابارلايدى "ۇلت اقپارات".
وسى ورايدا ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ جاۋاپتى تۇلعالارعا تيٸستٸ تاپسىرما جٷكتەگەن بولاتىن.
وبلىستىق كەسٸپكەرلٸك جەنە يندۋستريالدى-يننوۆاتسييالىق دامۋ باسقارماسىنىڭ باسشىسى اسپاندييار سەيسەباەۆتىڭ ايتۋىنشا, مەملەكەتتٸك ساتىپ الۋلارداعى جەرگٸلٸكتٸ قامتۋ ٷلەسٸ 84 پايىزدى قۇرايدى. بۇل كٶرسەتكٸش ٶنەركەسٸپتٸڭ «قاراپايىم زاتتار ەكونوميكاسىنا» قاتىستى التى باعىت بويىنشا 74 پايىزدى, قۇرىلىس-مونتاجداۋ جۇمىستارىندا 86 پايىزدى كٶرسەتكەن.
مەملەكەتتٸك ساتىپ الۋ باسقارماسىنىڭ باسشىسى باقىتجان جٷنٸسبەكوۆ مەملەكەتتٸك ساتىپ الۋداعى نەگٸزگٸ مٸندەتتەر رەتٸندە جەرگٸلٸكتٸ قامتۋ ٷلەسٸن ارتتىرۋ بويىنشا ەسەپتٸلٸك, ٶنٸم جەتكٸزۋشٸلەردٸڭ جەرگٸلٸكتٸ قامتۋدىڭ ەڭ جوعارى ٷلەسٸنە دەگەن مٷددەلٸلٸگٸ, سونداي-اق وتاندىق ٶندٸرۋشٸلەردٸ مەملەكەتتٸك قولداۋ بولىپ تابىلاتىندىعىن تٸلگە تيەك ەتتٸ.
«ٶتكەن جىلدىڭ باسىندا بٸز قۇرىلىستاعى جەرگٸلٸكتٸ قامتۋ ٷلەسٸن 90 پايىزعا دەيٸن جەتكٸزۋگە كەلٸسكەنبٸز. بۇل مٸندەتتەمە ورىندالمادى. باسقارما باسشىلارى تۇراقتى تٷردە تيٸستٸ ورىندارعا حات جٸبەرەتٸندەرٸن ايتادى.
دەمەك, ودان كەيٸن بۇل ەشكٸمدٸ قىزىقتىرمايدى, جاعداي قاداعالاۋسىز قالادى. سوندىقتان, نەتيجە جوق. ٶندٸرۋشٸلەر نەگٸزٸنەن تارازدا ورنالاسقان, بٸراق ولارمەن جەرگٸلٸكتٸ قامتۋدى ارتتىرۋ بويىنشا تيٸستٸ دەڭگەيدە جۇمىس جٷرگٸزٸلمەيدٸ. قالالىق ەكٸمدٸك, وبلىستىق باسقارمالار جەنە ٶڭٸرلٸك كەسٸپكەرلەر پالاتاسى ٶزارا تىعىز بايلانىستا جۇمىس ٸستەۋٸ تيٸس. ەزٸرگە ونداي جٷيە بايقالمايدى», - دەدٸ وبلىس ەكٸمٸ.
سونداي-اق, بەردٸبەك ساپارباەۆ جەرگٸلٸكتٸ قامتۋدا تاۋارلار اسسورتيمەنتٸن كەڭەيتۋ قاجەتتٸلٸگٸ تۋرالى باسا ايتتى. «تەك قيىرشىق تاس پەن شاعالدى پايدالانۋعا قاناعاتتانباي, جاڭا تاۋارلار مەن ماتەريالدار ٶندٸرٸسٸن جولعا قويۋعا ۇمتىلۋ كەرەك», - دەپ ەسكەرتتٸ ٶڭٸر باسشىسى.
