اقش-تىڭ قازاقستانداعى ەلشٸسٸ ۋيليام موزەر رەسەيگە قارسى سانكتسييالاردىڭ قازاقستانعا ەسەرٸ تۋرالى ايتتى, - دەپ حابارلايدى "ۇلت اقپارات".
"رەسەيدٸڭ ٸس-ەرەكەتٸن ٶزگەرتۋ ٷشٸن سانكتسييا شارالارىن قابىلداعانىمىزدى ايتقىم كەلەدٸ. مۇندا بٸر نەرسەنٸ اتاپ ٶتۋ كەرەك: ولاردىڭ بٸزدٸڭ سايلاۋعا جەنە مەملەكەتتٸك اقپاراتقا ارالاسۋ سيياقتى ەرەكەتٸ بولدى. بۇعان بٸز ودان ەرٸ شىداي المايمىز.
بٸراق قازاقستانعا كەلەتٸن بولساق, سانكتسييالاردىڭ مٸندەتتٸ سالدارىن بولدىرماۋى ٷشٸن جۇمىس ٸستەدٸك جەنە ٸستەي بەرەمٸز دەگٸم كەلەدٸ. بٸز بۇل سانكتسييالاردىڭ قازاقستانعا ەسەر ەتكەنٸن قالامايمىز", - دەدٸ اقش ەلشٸسٸ جۋرناليستەرمەن ٶتكەن دٶڭگەلەك ٷستەل بارىسىندا.
15 سەۋٸردە اقش رەسەيگە قارسى جاڭا سانكتسييالار ەنگٸزگەن. ول 32 جەكە تۇلعا مەن بٸرلەستٸككە قاتىستى.
14 ماۋسىمنان باستاپ اقش قارجى ينستيتۋتتارىنا ورتالىق بانك پەن رەسەيدٸڭ قارجى مينيسترلٸگٸنەن, سونداي-اق ۇلتتىق ەل-اۋقات قورىنان بورىشتىق باعالى قاعازداردى تٸكەلەي ساتىپ الۋعا تىيىم سالىنادى. ۆاشينگتون بيلٸگٸ رەسەيدٸڭ 10 قىزمەتكەرٸ ەلدەن شىعارىلاتىنىن ايتقان بولاتىن.
