ساناققا قاتىسۋدان باس تارتىپ, ٶزٸ تۋرالى مەلٸمەت بەرمەگەن ازاماتتاعا قارسى شارا قولدانىلا ما? ورتالىق كوممۋنيكاتسييالار قىزمەتٸندە ٶتكەن بريفينگٸدە ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆكە وسىنداي سۇراق قويىلدى, دەپ حابارلايدى قازاقپارات.
«جالپىۇلتتىق ساناق كەزٸندە ينتەرۆيۋەرلەردٸڭ انكەتا بويىنشا قويىلعان سۇراقتارىنا جاۋاپ بەرۋدەن باس تارتقاندارعا زاڭنامادا نورما قاراستىرىلعان. بۇل نورما بارشا ستاتيستيكالىق اقپاراتتاردى ۇسىنۋ مەسەلەسٸن قوزعايدى. ونىڭ ٸشٸندە حالىق ساناعى دا بار. بٸراق بۇل نورما ساناق كەزٸندە ٶزٸ تۋرالى مەلٸمەت ۇسىنۋدان باس تارتقان ادامدارعا قارسى ەشقاشان قولدانىلىپ كٶرگەن جوق. بٸز بارىنشا ٷگٸت-ناسيحات جٷرگٸزٸپ, پٸكٸرٸن ٶزگەرتۋ باعىتىندا جۇمىسقا كٷش سالامىز. ازاماتتارىمىزدىڭ دا بۇل ٸسكە سانالى تٷردە قارايتىنىنا ٷمٸتتەنەمٸز. سوندىقتان, بۇل نورما ەرتەڭ قولدانىلىپ, باس تارتقانداردىڭ بەرٸنە ايپپۇل سالامىز دەسەك, شىندىققا جاناسپايدى», - دەدٸ بيۋرو باسشىسى.
اتالمىش شارادا نۇربولات ايداپكەلوۆ ساناق قورىتىندىسىن كٸمدەر كٶرە الاتىنى ايتقان بولاتىن.
«بٸرٸنشٸدەن, بٸز ساناق قورىتىندىسى بويىنشا بازانى ٶڭدەگەننەن كەيٸن ونى ارنايى كەستەلەر بويىنشا ينتەرنەتتەگٸ سايتىمىزعا سالامىز. بٸراق بازاعا ناقتى تالاپ بويىنشا كٸرۋگە بولادى. باستى تالاپ – ساناق قورىتىندىسىمەن تانىسقىسى كەلگەن ادام عىلىممەن اينالىساتىنىن دەلەلدەۋٸ كەرەك. سونىمەن بٸرگە ٸر-سەرۆيس ارقىلى بٸزدٸڭ جٷيەگە كٸرۋ مٷمكٸندٸگٸ بولۋى كەرەك. سول تالاپتاردى ساقتاسا, دەەدينتيفيكاتسييالىق مازمۇنداعى بازاعا كٸرۋٸنە بولادى», - دەدٸ ۆەدومستۆو باسشىسى.
