بٷگٸن «سامۇرىق-قازىنا» قورى تٷركٸستان وبلىسى ەكٸمدٸگٸنە باعا جەتپەس تارتۋ جاسادى. حوجا احمەت ياسساۋي مۇراجايى, 7000 ورىندىق ستاديون, وقۋشىلار سارايى, كونگرەسس-حولل جەنە «قازپوشتا» اق وبلىستىق بٶلٸمشەسٸنٸڭ عيماراتىن تەگٸن تاپسىردى, دەپ حابارلايدى "ۇلت اقپارات".
تٷركٸستانداعى جاڭا نىساندار قۇرىلىسى قور مەن تٷركٸستان وبلىسى ەكٸمدٸگٸ اراسىندا ٶتكەن جىلى قول قويىلعان ىنتىماقتاستىق تۋرالى مەموراندۋم اياسىندا باستالعان-دى.
«جىل باسىنان بەرٸ بٸز ەلەۋمەتتٸك ماڭىزى بار 6 نىساننىڭ قۇرىلىسىنا كٸرٸستٸك. بٸرٸنشٸسٸ – امفيتەاتر جىل باسىندا پايدالانۋعا بەرٸلدٸ, قالعان بەسەۋٸن تٷركٸستان وبلىسىنىڭ ەكٸمدٸگٸنە تەگٸن تاپسىرۋعا دايىنبىز. قۇرىلىس كەزٸندە بٸزگە ەكٸمدٸك ايتارلىقتاي قولداۋ كٶرسەتكەنٸن اتاپ ٶتكٸم كەلەدٸ», – دەدٸ قوردىڭ باسقارما تٶراعاسى احمەتجان ەسٸموۆ.
ال وبلىس ەكٸمٸ ٶمٸرزاق شٶكەەۆ قورعا ٶڭٸردٸڭ گٷلدەنۋٸنە قوسقان ٷلەسٸ ٷشٸن العىس ايتتى.
«ەلٸمٸزدٸڭ تۇڭعىش پرەزيدەنتٸ – ەلباسى ن.ە. نازارباەۆتىڭ تٷركٸستاندى جاڭعىرتۋ جٶنٸندەگٸ تاپسىرماسى اياسىندا سٸز باسقارىپ وتىرعان «سامۇرىق-قازىنا» قورى وبلىس ورتالىعىنداعى ەلەۋمەتتٸك ماڭىزى بار نىساندار قۇرىلىسىن سەتتٸ جٷزەگە اسىردى», – دەدٸ ول.
تاراپتار تٷركٸستان ٶلكەسٸن دامىتۋعا قوسىلاتىن ٷلەس تۋرالى جاڭا مەموراندۋمعا قول قويدى. قور ٶڭٸردەگٸ گازداندىرۋ, ەلەكتر ەنەرگەتيكاسى, ەلەكتروندىق كوممەرتسييا, پوشتا قىزمەتٸ, اقپاراتتىق جەنە كوممۋنيكاتسييالىق ينفراقۇرىلىم سالاسىنداعى جوبالاردى ٸسكە اسىرۋدى جالعاستىرۋدا. ەلەۋمەتتٸك سالانى دامىتۋعا, جەرگٸلٸكتٸ حالىقتىڭ ەل-اۋقاتىن كٶتەرۋگە باسا نازار اۋدارىلعان.
ح. ياسساۋي مۇراجايىنىڭ ەرەكشەلٸگٸ – زالدارداعى ەر ەكسپوزيتسييا ٷشٸن كومپوزيتورلار ارنايى جازعان مۋزىكا ويناپ تۇر. مۇندا عالىم مەن ونىڭ شەكٸرتتەرٸنٸڭ ەڭبەكتەرٸ ۇسىنىلعان. بٸرەگەي ارحيتەكتۋراعا يە نىساننىڭ الاڭى 3000 شارشى مەتردەن اسادى جەنە 3 قاباتتان تۇرادى.
ال 7 مىڭ ورىندىق ستاديون ۋەفا ەرەجەسٸنٸڭ 3-شٸ ساناتىنداعى فۋتبول جارىستارى مەن IAAF ەرەجەسٸنە سەيكەس جەڭٸل اتلەتيكادان جاتتىعۋلار ٶتكٸزۋگە ارنالعان.
«وقۋشىلار سارايىن» سالۋ ارقىلى قور ٶڭٸردەگٸ بالالاردىڭ مۋزىكالىق-ەستەتيكالىق تەربيە الۋىنا مٷمكٸندٸك سىيلادى.
«قازپوشتا» اق تٷركٸستان وبلىستىق فيليالى عيماراتىندا «تسيفرلىق كەڭسە», ورتالىق وپەراتسييالىق ايماق, سەلەمدەمە سۋپەرماركەتٸ, سۇرىپتاۋ پوشتا بٶلٸمشەسٸ, فيليالدىڭ باس كاسساسى بار.
قور ەلدٸڭ ەلەۋمەتتٸك سالاسىنا باسا نازار اۋدارىپ, ٷنەمٸ قولداۋ كٶرسەتەدٸ. بىلتىر ارىس قالاسىن قالپىنا كەلتٸرۋگە بەلسەندٸ قاتىسىپ, 68 ەلەۋمەتتٸك نىساندى – 16 مەكتەپ, 36 بالاباقشا, 8 دەنساۋلىق ساقتاۋ, 4 سپورت نىسانى, كوللەدج, تەمٸرجول ۆوكزالى, داڭق اللەياسى مەن ورتالىق الاڭدى قالپىنا كەلتٸردٸ.
