«سامۇرىق-قازىنا» اكتسيونەرلٸك قوعامىنا قاراستى كومپانييالار توبىنداعى قىزمەتكەرلەردٸڭ ٷشتەن ەكٸسٸ كوروناۆيرۋس ينفەكتسيياسىنا قارسى ۆاكتسينا سالعىزدى, دەپ حابارلايدى "ۇلت اقپارات".
10 تامىزعا دەيٸنگٸ دەرەككە سٷيەنسەك, قور كومپانييالارىندا ەڭبەك ەتەتٸن 184 594 قىزمەتكەر COVID-19 ينفەكتسيياسىنا قارسى ەكپەنٸڭ بٸرٸنشٸ كومپونەنتٸن سالعىزعان. بۇل كومپانييالار توبىنداعى قىزمەتكەرلەردٸڭ 67,1% قۇرايدى.
قورعا قاراستى كومپانييالار اراسىندا ۆاكتسينا سالعىزۋدا «Samruk-Kazyna Construction» اق كٶش باستادى. اتالعان كومپانييانىڭ 80 قىزمەتكەرٸنٸڭ 76-ى نەمەسە 95% ۆاكتسينا الدى. ⠀ ۆاكتسينا سالعىزۋ ناۋقانىن اياقتاۋعا جاقىن قالعان تاعى بٸر كومپانييا بار, ول – «قازترانسگاز» اق. 12 617 قىزمەتكەردٸڭ 10 843-ٸ (86%) ۆاكتسينا سالعىزىپتى. وسى جەردە ەڭ كٶپ ادام ەڭبەك ەتەتٸن «قازاقستان تەمٸر جولى» ۇلتتىق كومپانيياسىنداعى 110 846 قىزمەتكەردٸڭ 79 481-ٸ, ياعني 72% ۆاكتسينا سالعىزعانىن دا بٶلە-جارىپ اتاۋعا بولادى.
قورعا قاراستى ٶزگە دە پورتفەلدٸك كومپانييالارداعى ۆاكتسينا سالعىزۋ كٶرسەتكٸشٸ تٶمەندەگٸشە قالىپتاستى:
«قازاقتەلەكوم» اق – 20 604 قىزمەتكەردٸڭ 16 032-ٸ (79%)
«قازاتومٶنەركەسٸپ» ۇاك» اق – 19 089 قىزمەتكەردٸڭ 15 032-ٸ (79%)
«سامۇرىق -ەنەرگو» اق – 16 969 قىزمەتكەردٸڭ 13 275-ٸ (78%)
«KEGOC» اق – 4624 قىزمەتكەردٸڭ 3 592-ٸ (78%)
«تاۋ-كەن سامۇرىق» ۇتك» اق – 863 قىزمەتكەردٸڭ 656-ى (76%)
«ەير استانا» اق – 5 355 قىزمەتكەردٸڭ 3 713-ٸ (69%)
«قازپوشتا» اق – 20 339 قىزمەتكەردٸڭ 13 225-ٸ (65%)
«QazaqAir» اق – 281 قىزمەتكەردٸڭ 164-ٸ (58%)
«بٸرلەسكە حيمييالىق كومپانييا» جشس – 642 قىزمەتكەردٸڭ 333-ٸ (52%). «قازمۇنايگاز» ۇك» – 62 600 قىزمەتكەردٸڭ 28 039-ى (45%).
ايتا كەتەيٸك, جوعارىداعى مەلٸمەتتەر ۆاكتسينانىڭ بٸرٸنشٸ كومپونەنتٸن سالعىزۋ كٶرسەتكٸشٸنە قاتىستى. بۇل «سامۇرىق-قازىنا» اكتسيونەرلٸك قوعامى كومپانييالار توبىنىڭ قىزمەتكەرلەرٸ كوروناۆيرۋس ينفەكتسيياسىنا قارسى ۆاكتسينا سالعىزۋدا بەلسەندٸ بولىپ وتىرعانىن كٶرسەتسە كەرەك.
سونىمەن بٸرگە بٷگٸنگٸ تاڭدا اتالعان كومپانيياداعى ەربٸر ەكٸنشٸ قىزمەتكەر ۆاكتسينانىڭ ەكٸ كومپونەنتٸن دە سالعىزىپ ٷلگەرگەنٸن ايتىپ ٶتۋٸمٸز قاجەت.
قور دەرەگٸنە سٷيەنسەك, COVID-19-عا قارسى ۆاكتسينانىڭ ەكٸ كومپونەنتٸن تولىق سالعىزعاندار سانى 138 652 ادامعا جەتكەن. بۇل كومپانييالار توبىن قىزمەتكەرلەرٸنٸڭ 50,4% قۇرايدى. دەل وسى كٶرسەتكٸش «سامۇرىق-قازىنا» اق قىزمەتكەرلەرٸنٸڭ جارتىسىنان كٶبٸ كوروناۆيرۋسقا قارسى ەكپەنٸ سالعىزعانىن دەلەلدەيدٸ.
بيىل سەۋٸر ايىندا «سامۇرىق-قازىنا» قورى مەن ونىڭ پورتفەلدٸك كومپانييالارىندا #مەنەكپەالدىم #يا_ۆاكتسينيروۆالسيا شاراسى باستالعان بولاتىن. وسى اكتسييا شەڭبەرٸندە قور توپ-مەنەدجەرلەرٸ العاشقىلاردىڭ بٸرٸ بولىپ ۆاكتسينا سالعىزىپ, ەرٸپتەستەرٸنە ٷلگٸ كٶرسەتتٸ. سونىمەن بٸرگە قور ۆاكتسينا سالعىزۋ ناۋقانىمەن قاتار, قاۋٸپسٸزدٸك شارالارىن دا كٷشەيتتٸ. مىسالى, كورپوراتيۆتٸك ورتالىقتاعى قىزمەتكەرلەردٸڭ 80% قاشىقتان جۇمىس ٸستەۋ تەرتٸبٸنە كٶشتٸ.
ۆاكتسينا سالعىزۋ ناۋقانى ەلٸ دە جالعاسىپ جاتىر. قورعا قاراستى كومپانييالار قىزمەتكەرلەرٸ ۆاكتسينانىڭ ەكٸنشٸ كومپونەنتٸن الداعى قىركٷيەك ايىنىڭ 1-نە دەيٸن سالعىزۋعا تيٸس. ەگەر قورعا قاراستى كومپانييالاردىڭ بارلىعى دا حالىقپەن تىعىز جۇمىس ٸستەيتٸن سالالاردىڭ قىزمەتٸن ٷيلەستٸرەتٸنٸن ەسكەرسەك, ۆاكتسينا سالعىزۋ ناۋقانى قىزۋ جٷرگەنٸن بايقايمىز.
