«Samuryq-Qazyna» aktsionerlik qoǵamyna qarasty kompaniialar tobyndaǵy qyzmetkerlerdiń úshten ekisi koronavirýs infektsiiasyna qarsy vaktsina salǵyzdy, dep habarlaidy "Ult aqparat".
10 tamyzǵa deiingi derekke súiensek, Qor kompaniialarynda eńbek etetin 184 594 qyzmetker COVID-19 infektsiiasyna qarsy ekpeniń birinshi komponentin salǵyzǵan. Bul kompaniialar tobyndaǵy qyzmetkerlerdiń 67,1% quraidy.
Qorǵa qarasty kompaniialar arasynda vaktsina salǵyzýda «Samruk-Kazyna Construction» AQ kósh bastady. Atalǵan kompaniianyń 80 qyzmetkeriniń 76-y nemese 95% vaktsina aldy. ⠀ Vaktsina salǵyzý naýqanyn aiaqtaýǵa jaqyn qalǵan taǵy bir kompaniia bar, ol – «QazTransGaz» AQ. 12 617 qyzmetkerdiń 10 843-i (86%) vaktsina salǵyzypty. Osy jerde eń kóp adam eńbek etetin «Qazaqstan Temir Joly» ulttyq kompaniiasyndaǵy 110 846 qyzmetkerdiń 79 481-i, iaǵni 72% vaktsina salǵyzǵanyn da bóle-jaryp ataýǵa bolady.
Qorǵa qarasty ózge de portfeldik kompaniialardaǵy vaktsina salǵyzý kórsetkishi tómendegishe qalyptasty:
«Qazaqtelekom» AQ – 20 604 qyzmetkerdiń 16 032-i (79%)
«Qazatomónerkásip» UAK» AQ – 19 089 qyzmetkerdiń 15 032-i (79%)
«Samuryq -Energo» AQ – 16 969 qyzmetkerdiń 13 275-i (78%)
«KEGOC» AQ – 4624 qyzmetkerdiń 3 592-i (78%)
«Taý-Ken Samuryq» UTK» AQ – 863 qyzmetkerdiń 656-y (76%)
«Eir Astana» AQ – 5 355 qyzmetkerdiń 3 713-i (69%)
«Qazposhta» AQ – 20 339 qyzmetkerdiń 13 225-i (65%)
«QazaqAir» AQ – 281 qyzmetkerdiń 164-i (58%)
«Birleske himiialyq kompaniia» JShS – 642 qyzmetkerdiń 333-i (52%). «QazMunaiGaz» UK» – 62 600 qyzmetkerdiń 28 039-y (45%).
Aita keteiik, joǵarydaǵy málimetter vaktsinanyń birinshi komponentin salǵyzý kórsetkishine qatysty. Bul «Samuryq-Qazyna» aktsionerlik qoǵamy kompaniialar tobynyń qyzmetkerleri koronavirýs infektsiiasyna qarsy vaktsina salǵyzýda belsendi bolyp otyrǵanyn kórsetse kerek.
Sonymen birge búgingi tańda atalǵan kompaniiadaǵy árbir ekinshi qyzmetker vaktsinanyń eki komponentin de salǵyzyp úlgergenin aityp ótýimiz qajet.
Qor deregine súiensek, COVID-19-ǵa qarsy vaktsinanyń eki komponentin tolyq salǵyzǵandar sany 138 652 adamǵa jetken. Bul kompaniialar tobyn qyzmetkerleriniń 50,4% quraidy. Dál osy kórsetkish «Samuryq-Qazyna» AQ qyzmetkerleriniń jartysynan kóbi koronavirýsqa qarsy ekpeni salǵyzǵanyn dáleldeidi.
Biyl sáýir aiynda «Samuryq-Qazyna» qory men onyń portfeldik kompaniialarynda #menekpealdym #ia_vaktsinirovalsia sharasy bastalǵan bolatyn. Osy aktsiia sheńberinde Qor top-menedjerleri alǵashqylardyń biri bolyp vaktsina salǵyzyp, áriptesterine úlgi kórsetti. Sonymen birge Qor vaktsina salǵyzý naýqanymen qatar, qaýipsizdik sharalaryn da kúsheitti. Mysaly, korporativtik ortalyqtaǵy qyzmetkerlerdiń 80% qashyqtan jumys isteý tártibine kóshti.
Vaktsina salǵyzý naýqany áli de jalǵasyp jatyr. Qorǵa qarasty kompaniialar qyzmetkerleri vaktsinanyń ekinshi komponentin aldaǵy qyrkúiek aiynyń 1-ne deiin salǵyzýǵa tiis. Eger Qorǵa qarasty kompaniialardyń barlyǵy da halyqpen tyǵyz jumys isteitin salalardyń qyzmetin úilestiretinin eskersek, vaktsina salǵyzý naýqany qyzý júrgenin baiqaimyz.
