«سامۇرىق-قازىنا» ۇلتتىق ەل-اۋقات قورى كومپانييالار توبىنداعى ٷزدٸك كومپانييالاردىڭ بٸرٸ «قازاتومٶنەركەسٸپ» ۇلتتىق اتوم كومپانيياسى» اق-نىڭ اكتسييالارىن IPO-عا سەتتٸ شىعاردى. بۇل تۋرالى بٷگٸن ٶتكەن بريفينگ كەزٸندە «سامۇرىق-قازىنا» ۇەق» اق اكتيۆتەردٸ باسقارۋ جەنە جەكەشەلەندٸرۋ جٶنٸندەگٸ باسقارۋشى ديرەكتورى الماسادام ساتقاليەۆ پەن قوردىڭ ەكونوميكا جەنە قارجى جٶنٸندەگٸ تەڭ باسقارۋشى ديرەكتورى-باسقارما مٷشەسٸ ەرنار جانەدٸل مەلٸم ەتتٸ, دەپ حابارلايدى "ۇلت اقپارات".
دەلٸرەك ايتساق, «قازاتومٶنەركەسٸپ» كومپانيياسى بيرجاعا جاھاندىق دەپوزيتاريي قولحاتتارىن قوسىمشا ورنالاستىرعان.
«2018 جىلدىڭ قاراشا ايىندا قازاقستان رەسپۋبليكاسى ٷكٸمەتٸنٸڭ شەشٸمٸنە سەيكەس, «قازاتومٶنەركەسٸپ» ۇلتتىق كومپانيياسىنىڭ IPO-سى ٶتكٸزٸلگەن ەدٸ. ول كەزدە باستاپقى قۇنى بٸر جاھاندىق دەپوزيتاريي قولحات ٷشٸن 13 اقش دوللار دەڭگەيٸندە انىقتالعان بولاتىن. قورعا تيەسٸلٸ كومپانييالاردىڭ 15 پايىز اكتسيياسى, ياعني, 38.9 ملن اكتسييا IPO-عا شىعارىلدى», - دەپ ەسكە سالدى ەرنار جانەدٸل.
ال, ٶتكەن اپتادا, ياعني, 2019 جىلعى قىركٷيەكتٸڭ سوڭىندا «قازاتومٶنەركەسٸپ» اق IPO-عا 3,8 جاھاندىق دەپوزيتاريي قولحاتتارىن قوسىمشا ورنالاستىرعان. اكتسييالار لوندون قور بيرجاسى مەن استانا حالىقارالىق قور بيرجاسىنا شىعارىلعان.
«نە دەل قازٸر, نەگە دەل وسى اكتسييالار دەگەن سۇراقتار كٶپ تۋىنداپ جاتىر. وسى سۇراقتارعا جاۋاپ بەرە كەتەيٸن. بٸرٸنشٸدەن, نارىقتاعى قازٸرگٸ تۇراقتىلىق پەن «قازاتومٶنەركەسٸپ» اق سوڭعى قارجىلىق نەتيجەلەرٸنە ينۆەستورلار تاراپىنان وڭ كٶزقاراس قالىپتاسقان جاعدايداعى اكتسييا قۇنى ٶتكەن اپتادا تاريحي ماكسيمۋم دەڭگەيٸنە جاقىن بولدى. ياعني, 15-15,5 دوللار دياپازونىندا», - دەيدٸ ەرنار جانەدٸل.
جالپى, «سامۇرىق-قازىنا» ٶكٸلدەرٸ اكتسييالار ٶتە جاقسى باعامەن شىقتى دەگەن سەنٸمدە. بۇعان قوسىمشا, حالىقارالىق ينۆەستورلارعا دا, جەرگٸلٸكتٸ ينۆەستورلارعا دا بٸردەي قىسقاشا ۋاقىت بەرٸلدٸ. دەگەنمەن دە, ساندارعا توقتالساق, قوسىمشا ورنالاستىرۋ جاقسى ٶتتٸ دەپ سانايمىن. بارلىعى 9 ملن 860 مىڭنان اسا قولحاتتى ورنالاستىردىق. ونىڭ ٸشٸندە 6 ملن 500 مىڭ قولحات حالىقارالىق ينۆەستورلارعا, 3 ملن 360 مىڭ قولحات جەرگٸلٸكتٸ ينۆەستورلارعا بەرٸلدٸ. ال ەگەر بيرجالاردىڭ ٷلەسٸنە توقتالساق, وسى جىلدىڭ نەتيجەلەرٸنە سٷيەنسەك, لوندون مەن استانا قارجى ورتالىعىنىڭ ٷلەسٸ تەڭ: ەلۋ دە ەلۋ پايىز. ول ٶتە جاقسى نەتيجە», - دەپ اتاپ ٶتتٸ ول.
ەڭ باستىسى, وسى اكتسييالاردى ساتۋ ەلٸمٸزگە 128 ملن دوللار قوسىمشا قاراجات كٸرگٸزگەن. «ول قاراجاتتىڭ بارلىعى «سامۇرىق-قازىنا» كومپانييالار توبىندا قالمايدى. بٸز ونىڭ بارلىعىن جاقىن ارادا ۇلتتىق قورعا اۋدارامىز», - دەيدٸ «سامۇرىق-قازىنا» باسقارما مٷشەسٸ ەرنار جانەدٸل.
