مۇنايلى ەمەس تٷسٸمدەر كٶلەمٸنٸڭ ۇلعايۋى سالىق تٷسٸمدەرٸ تۇراقتىلىعىنىڭ نىعايعانىن كٶرسەتٸپ وتىر.
بۇل تۋرالى پارلامەنت مەجٸلٸسٸندە «2020-2022 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىرۋ بارىسىندا قر بٸرٸنشٸ قارجى ۆيتسە-مينيسترٸ بەرٸك شولپانقۇلوۆ مەلٸم ەتتٸ, دەپ حابارلايدى قازاقپارات.
«رەسپۋبليكالىق بيۋدجەتتٸ جوسپارلاۋ نەگٸزٸنە سالىنعان بازالىق ماكروەكونوميكالىق ستسەناريي جٸٶ-نٸڭ ٷدەمەلٸ ٶسۋٸن, ينفلياتسييانىڭ ورتاشا جىلدىق دەلٸزٸنٸڭ 2022 جىلى 3-5 پايىزعا دەيٸن تٶمەندەۋٸن قامتاماسىز ەتەدٸ. 2020 جىلعا ارنالعان بيۋدجەت تاپشىلىعى 2022 جىلى 1 پايىزعا دەيٸن تٶمەندەتٸلٸپ, جٸٶ-نٸڭ 2,1 پايىزى دەڭگەيٸندە جوسپارلاندى», - ب. شولپانقۇلوۆ.
ونىڭ سٶزٸنە قاراعاندا, جاڭا ەلەۋمەتتٸك باستامالاردى ٸسكە اسىرۋدى جەنە ٶڭٸرلەردٸ دامىتۋدى جالعاستىرا وتىرىپ, كەپٸلدٸك بەرٸلگەن ترانسفەرت 2020-2021 جىلدارى 1,1 ترلن تەڭگەگە ۇلعايتىلدى. 2022 جىلدان باستاپ ول كەزەڭ-كەزەڭمەن 2 ترلن تەڭگەگە تٶمەندەيتٸن بولادى. زاڭ جوباسىندا ول 2020-2021 جىلدارى 2,7 ترلن تەڭگە جەنە 2022 جىلى 2,6 ترلن تەڭگە سوماسىندا كٶزدەلگەن.
«مۇنايلى ەمەس تٷسٸمدەر كٶلەمٸنٸڭ ۇلعايۋى سالىق تٷسٸمدەرٸ تۇراقتىلىعىنىڭ نىعايعانىن كٶرسەتٸپ وتىر. ەكونوميكانىڭ دامۋ قارقىنىنىڭ ارتۋى, كەدەندٸك جەنە سالىقتىق ەكٸمشٸلەندٸرۋدٸڭ جاقسارۋى جەنە ولاردى تسيفرلاندىرۋ ٶزگەرٸستەردٸڭ نەگٸزگٸ فاكتورلارى بولدى. وسى باعىتتاعى جۇمىس سالىقتىق جەنە كەدەندٸك اقپاراتتىق جٷيەلەر كەشەنٸن بٸرٸكتٸرۋ جولىمەن جالعاسۋدا. بۇل رەتتە شاعىن جەنە ورتا بيزنەستەن تٷسەتٸن كورپوراتيۆتٸك تابىس سالىعىنىڭ تٷسٸمدەرٸ جەرگٸلٸكتٸ بيۋدجەتتەر بازاسىنا بەرٸلدٸ», - دەدٸ بٸرٸنشٸ ۆيتسە-مينيستر.
بەرٸك شولپانقۇلوۆتىڭ ايتۋىنشا, تۇتاستاي العاندا, رەسپۋبليكالىق بيۋدجەتتٸڭ كٸرٸستەرٸ (ترانسفەرتتەردٸ ەسەپكە الماعاندا) ٷش جىلدىق كەزەڭدە: 2020 جىلى - 8,0 ترلن تەڭگە نەمەسە جٸٶ-گە 10,7%; 2021 جىلى - 8,6 ترلن تەڭگە نەمەسە جٸٶ-گە 10,6%; 2022 جىلى - 9,4 ترلن. تەڭگە نەمەسە جٸٶ-گە 10,6% قۇرايدى.
