قازاقستاندا ازاماتتاردىڭ ٶسٸمپۇلدارىن ەسەپتەن شىعارۋ بويىنشا سالىق راقىمشىلىعىنىڭ قورىتىندىسى شىعارىلدى. وسى ورايدا 1 ملن-نان استام ادامنىڭ 2 ملرد تەڭگە قارىزى كەشٸرٸلدٸ. بۇل تۋرالى قارجى مينيسترلٸگٸ مەملەكەتتٸك كٸرٸستەر كوميتەتٸنەن مەلٸم بولدى, دەپ حابارلايدى "ۇلت اقپارات".
«مەملەكەتتٸك كٸرٸستەر كوميتەتٸ 2020 جىلعى 31 جەلتوقساندا جەكە تۇلعالارعا مٷلٸك سالىعى, جەر سالىعى جەنە كٶلٸك قۇرالدارى سالىعى بويىنشا سالىق راقىمشىلىعى اياقتالعانىن حابارلايدى. جەكە تۇلعالار ٷشٸن ٶسٸمپۇلدى ەسەپتەن شىعارۋ بويىنشا سالىقتىق راقىمشىلىق قازاقستان رەسپۋبليكاسىنىڭ 2020 جىلعى 2 شٸلدەدەگٸ زاڭىنا سەيكەس جٷرگٸزٸلدٸ. ەسەپتەن شىعارۋدىڭ باستى شارتى سالىق بويىنشا نەگٸزگٸ قارىز سوماسىن تٶلەۋ بولدى.
ٶسٸمپۇلدى ەسەپتەن شىعارۋ ٷشٸن ەشقايدا بارۋدىڭ قاجەتٸ جوق ەدٸ. قارىزدىڭ نەگٸزگٸ سوماسىن تٶلەۋ جەتكٸلٸكتٸ بولدى جەنە ٶسٸمپۇل اۆتوماتتى تٷردە ەسەپتەن شىعارىلدى», - دەلٸنگەن كوميتەت مەلٸمەتٸندە.
مەسەلەن, 2020 جىلعى 1 قاڭتارداعى جاعداي بويىنشا 21 697 164 206 تەڭگە نەگٸزگٸ قارىزى جەنە 4 254 324 271 تەڭگە مٶلشەرٸندە ٶسٸمپۇل سوماسى بار 1 513 879 ازاماتتىڭ سالىق راقىمشىلىعىنا قاتىسۋعا قۇقىعى بار بولاتىن.
جىل قورىتىندىسى بويىنشا ٶسٸمپۇلدى ەسەپتەن شىعارۋ شاراسىن 1 057 764 ازامات (70%) پايدالاندى, ولار بويىنشا 14 849 385 721 تەڭگە (68%) مٶلشەرٸندە نەگٸزگٸ بورىش سوماسى تٶلەندٸ جەنە 2 050 503 348 تەڭگە (48%) سوماسىندا ٶسٸمپۇل ەسەپتەن شىعارىلدى.
مەملەكەتتٸك كٸرٸستەر كوميتەتٸ ٶسٸمپۇلداردى ەسەپتەن شىعارۋ بويىنشا اكتسييا قورىتىندىسىنا سەيكەس 1 ملن-نان استام ازاماتتىڭ 2 ملرد تەڭگە قارىزىن ەسەپتەن شىعاردى.
ۆەدومستۆو مەلٸمەتٸنشە, 2020 جىلعى سالىق راقىمشىلىعىن پايدالانعانداردىڭ سانى بويىنشا نەتيجەلەر 2019 جىلعى ٶتكەن سالىق راقىمشىلىعىنىڭ نەتيجەلەرٸنەن اسىپ تٷسكەن (2020 جىلى 1,1 ملن ازامات, 2019 جىلى 755,7 مىڭ ازامات نەمەسە 300,0 مىڭ ادامعا كٶپ).
