سالمونەللا تاياقشاسى بار تاۋىق ەتٸ ەلٸمٸزدٸڭ بٸرنەشە وبلىسىنا تاراپ كەتتٸ. اتالعان ٶنٸمدەر رەسەي مەن بەلارۋستەن جەتكٸزٸلگەن, دەپ xابارلايدى "ۇلت اقپارات".
قر دەنساۋلىق ساقتاۋ مينيسترلٸگٸ قوعامدىق دەنساۋلىقتى ساقتاۋ كوميتەتٸنٸڭ تٶراعاسى جانداربەك بەكشيننٸڭ سٶزٸنە قاراعاندا, كٶرشٸ ەلدەن كەلگەن تاۋاردىڭ قۇرامىنان سالمونەللا تاياقشاسى تابىلدى.
«مەسەلەن, اقمولا, سولتٷستٸك قازاقستان مەن جامبىل وبلىسىندا ساتىلعان ينجاۆەنسك قۇس فابريكاسىنىڭ ٶنٸمدەرٸنەن سالمونەللا شىقتى. اتالعان كەسٸپورىن رەسەيدە ورنالاسقان. ال شىعىس قازاقستان مەن الماتى وبلىسىندا «پريوسكولەنٸڭ» ٶنٸمدەرٸنەن سالمونەللا تاياقشاسى تابىلدى. بۇدان بٶلەك, رەسەيلٸك «فينينۆەست» كومپانيياسىنىڭ ساپاسىز ٶنٸمدەرٸ اقمولا مەن قوستاناي وبلىسىندا ساتىلدى. ال قاراعاندى مەن سولتٷستٸك قازاقستاندا چەباركۋل قۇس فابريكاسىنىڭ ٶنٸمدەرٸ تالاپقا ساي ەمەس بولىپ شىقتى», - دەدٸ ج.بەكشين بٷگٸن «اتامەكەن» ۇكپ-سىندا ٶتكەن كەزدەسۋدە.
ونىڭ ايتۋىنشا, بەلارۋس جاقتان دا ساپاسىز قۇس ٶنٸمدەرٸ كٶپتەپ جەتكٸزٸلەدٸ. ول تاۋاردىڭ ٸشٸندە ۆيتەبسك برويلەر قۇس فابريكاسى, درۋجبا قۇس فابريكاسى, سەرۆوليۋكس-اگرو, سمولەۆيچا برويلەر سيياقتى كەسٸپورىنداردىڭ ٶنٸمدەرٸ بار.
رەسمي مەلٸمەتكە سەيكەس, سوڭعى تٶرت ايدا قۇس ەتٸنە 1 244 رەت سىناما جاسالدى. سونىڭ 32 پروتسەنتٸ تالاپقا ساي ەمەس بولىپ شىقتى.
ايتا كەتەيٸك, بٷگٸن باس سانيتارلىق دەرٸگەر ج.بەكشين وتاندىق قۇس ەتٸ الۋعا كەڭەس بەردٸ. سەبەبٸ وتاندىق قۇس ٶنٸمدەرٸن ەكٸ بٸردەي مينيسترلٸك تەكسەرەدٸ. تاۋاردى ٶندٸرۋ پروتسەسٸن اۋىل شارۋاشىلىعى مينيسترلٸگٸ باقىلاسا, دەنساۋلىق ساقتاۋ مينيسترلٸگٸ دايىن ٶنٸمدٸ تەكسەرٸپ وتىرادى. "بۇدان بٶلەك, بٸزدٸڭ تەرريتوريالدىق ورگاندارىمىز قۇس فابريكالارىنا جيٸ بارىپ تۇرادى. سوندا وتاندىق ٶنٸمدەر ٷش بٸردەي تەكسەرٸستەن ٶتەدٸ. الايدا يمپورتتىق تاۋاردى تەك دٷكەنگە تٷسكەندە عانا باقىلاۋعا الادى. سونىڭ سالدارىنان ەلٸمٸزگە ساپاسىز تاۋارلار جەتكٸزٸلەدٸ. بٸزگە رەسەي مەن بەدارۋستان قۇس ەتٸ كٶپ كەلەدٸ. ونىڭ ٸشٸندە ساپاسىز, تٸپتٸ ادام دەنساۋلىعىنا قاۋٸپتٸ ٶنٸمدەر از ەمەس", - دەدٸ ج.بەكشين.
