بٷگٸنگٸ ٷكٸمەت وتىرىسىندا ەلدەگٸ جەرگٸلٸكتٸ پوليتسييا جۇمىسى قارالىپ, پرەمەر-مينيستر باقىتجان ساعىنتاەۆ سالاداعى جۇمىستاردىڭ تيٸستٸ تٷردە اتقارىلماي كەلە جاتقانىن سىنادى. ٷكٸمەت باسشىسى الماتى قالاسى بويىنشا قالتا تەلەفوندارىنىڭ ۇرلىعى ٶتە كٶپ ەكەنٸن, قۇقىق قورعاۋ ورگاندارى ونىڭ الدىن الۋ بويىنشا جۇمىستار اتقارماي وتىرعانىن سىنادى, دەپ حابارلايدى Baq.kz تٸلشٸسٸ.
«رەسپۋبليكادا ورىن العان قىلمىستاردىڭ 20% جۋىعى الماتى قالاسىنىڭ ٷلەسٸندە. حالىق سانى دا كٶپ. دەگەنمەن, ٶتە ٷلكەن كٶرسەتكٸش. بۇل قۋاناتىن جاعداي ەمەس. تٶمەندەتۋ كەرەك», - دەدٸ جولداعان پرەمەر-مينيستر.
ساعىنتاەۆ الماتى قالاسى ٸشكٸ ٸستەر دەپارتامەنتٸ باسشىسىنىڭ ورىنباسارى نۇرلان مەسٸموۆتەن وڭتٷستٸك ەلوردادا ۇيالى تەلەفون ۇرلىعى جوعارى بولۋىنا قاتىستى تٷسٸنٸكتەمە بەرۋدٸ تالاپ ەتتٸ.
«ۇيالى تەلەفون بويىنشا ەربٸر قىلمىس تٸركەلٸپ جاتىر. كٶبٸسٸندە, ياعني, ۇيالى تەلەفوندار ۇرلىعىنىڭ 70% جاعدايىندا ازاماتتار تەلەفوندارىن قالدىرىپ كەتەدٸ. ياعني, ۇرلىق بولمايدى, تەلەفوندارىن ٶزدەرٸ قالدىرىپ كەتەدٸ, بٸر-ەكٸ كٷننەن سوڭ كەلٸپ ارىز جازادى, ناقتى ۇرىنى كٶرسەتە المايدى», - دەدٸ وبلىستىق ٸٸد ٶكٸلٸ.
ٷكٸمەت باسشىسى ۇرلىققا قاتىستى قىلمىستىڭ ەربٸر بەسٸنشٸسٸ ۇيالى تەلەفون ۇرلىعىنا قاتىستى ورىن الىپ وتىرعانىن ەسكە سالدى.
«سوندا بەرٸنە تەلەفوندارىن تاستاپ كەتكەن بٷكٸل حالىق كٸنەلٸ عوي. ەشكٸم ۇرلاپ وتىرعان جوق, ٶزدەرٸ تاستاپ كەتٸپ جٷرگەن. سٸزدٸڭ ويىڭىزشا, ەندٸ تەلەفوندارىمىزدى شىنجىرمەن بايلاپ, قالتاعا سالىپ جٷرۋ كەرەكپٸز عوي. ٶتكەندە اۆتوكٶلٸك بٶلشەكتەرٸنٸڭ ۇرلىعى بويىنشا كٶپ ايتىلدى. ولاردىڭ بارلىعىن ساتاتىن ورىندارى بار دەدٸڭٸزدەر, تامىز ايىنىڭ باسىندا شۋىلداتىپ بٸراز رەيدتەر جاسادىڭىزدار. تۋرا سول سيياقتى, مىنا ۇرلانعان ۇيالى تەلەفونداردى ساتاتىن ورىندار كٶپ. وسىعان قاتىستى نە جاساپ وتىرسىزدار?», - دەپ ۆەدومستۆو ٶكٸلٸنٸڭ كەلتٸرگەن دەيەكتەمەسٸنە كٶڭٸلٸ تولماعان باقىتجان ساعىنتاەۆ.
نۇرلان مەسٸموۆ ۇيالى تەلەفون ساتاتىن ورىنداردىڭ كٶبٸ ساۋدا ٷيلەرٸندە ورنالاسقانىن ايتا كەلە, قازٸرگٸ ۋاقىتتا ول ورىنداردان ۇرلانعان ۇيالى تەلەفوندار تەركٸلەنٸپ, ساتۋشىلارمەن, ساۋدا ورىندارىنىڭ يەلەرٸمەن تٷسٸندٸرۋ جۇمىستارى جٷرگٸزٸلٸپ جاتقانىن مەلٸمدەدٸ.
