ٷكٸمەتتٸڭ بٷگٸنگٸ وتىرىسىندا قر پرەمەر-مينيسترٸ باقىتجان ساعىنتاەۆ جەكەشەلەندٸرۋدٸڭ ٶزەكتٸ بٸر مەسەلەسٸنە باسا نازار اۋداردى. ينۆەنتاريزاتسييا بويىنشا ساتۋعا شىعارىلاتىن كەسٸپورىنداردىڭ ناقتى تٸزٸمٸ جاسالسا دا, ۋاقىت ٶتە كەلە, جاڭا نىساندار ساڭىراۋقۇلاقتاي كٶبەيٸپ كەتەدٸ. سول ٷشٸن ۇلتتىق ەكونوميكا مينيسترٸ تيمۋر سٷلەيمەنوۆكە بٷگٸن ەسكەرتۋ جاسالدى, دەپ حابارلايدى قازاقپارات.
"تيمۋر مۇراتۇلى, بٸز ينۆەنتاريزاتسييانى ٶتكٸزدٸك. دۇرىس پا? ەكٸ جىلدىڭ قورىتىندىسى بويىنشا ناقتى كەسٸپورىنداردى انىقتادىق. سودان كەيٸن جاڭا نىساندار قۇرىلدى ما?", - دەپ سۇرادى باقىتجان ەبدٸرۇلى.
ۇلتتىق ەكونوميكا مينيسترٸ تيمۋر سٷلەيمەنوۆتىڭ ايتۋىنشا, جالپى تٸزٸمگە تاعى 168 كەسٸپورىن قوسىلدى. ٷكٸمەت باسشىسى ٶز نارازىلىعىن تاعى بٸلدٸردٸ.
"سوندا بٸز ينۆەنتاريزاتسييانى نە ٷشٸن ٶتكٸزدٸك? بٸر قولىمىزبەن قىسقارتىپ وتىرمىز, ال ەكٸنشٸ قولىمىزبەن ودان دا كٶپ نىسانداردى قۇرىپ الدىق پا? نەگە ونداي ەرەكەتتەرگە جول بەرەمٸز? بٸر كەسٸپورىندى جويامىز, سونىڭ ورنىنا باسقاسىن جاسايمىز. ولاي جۇمىسىمىز بٸتپەيدٸ عوي", - دەدٸ پرەمەر-مينيستر.
مينيستر سٷلەيمەنوۆ بۇعان تۇششىمدى جاۋاپ بەرە المادى. «ناقتى انىقتامانى كەيٸنٸرەك بەرسەك بولادى ما?", - دەپ سۇرادى. سول ٷشٸن ٷكٸمەت باسشىسىنان تاعى دا سىن ەستٸدٸ.
"تيمۋر مۇراتۇلى, بٷگٸن سٸز بايانداما جاساۋ ٷشٸن كەلدٸڭٸز. انىقتامانى كەيٸننەن قول استىنداعى قىزمەتكەرلەردەن سۇرامايتىنداي, بەرٸن باستا ۇستاۋ كەرەك. مٸنە, وسىنىڭ سالدارىنان سٸزدەردە جاڭا كەسٸپورىندار ساڭىراۋقۇلاقتاي قاۋلاپ كەتەدٸ. سەبەبٸ ەشقانداي باقىلاۋ جوق. ويلارىنا كەلگەنٸن ٸستەيدٸ!", - دەپ شٷيلٸكتٸ ب.ساعىنتاەۆ.
