بٷگٸن قر پرەمەر-مينيسترٸ باقىتجان ساعىنتاەۆتىڭ تٶراعالىعىمەن ٶتكەن ٷكٸمەت وتىرىسىندا «تسيفرلىق قازاقستان» مەملەكەتتٸك باعدارلاماسىن ٸسكە اسىرۋ بارىسى قارالدى. اتقارىلعان جۇمىستار تۋرالى اقپارات جەنە كوممۋنيكاتسييالار مينيسترٸ د. اباەۆ, يندۋسترييا جەنە ينفراقۇرىلىمدىق دامۋ مينيسترٸ ج. قاسىمبەك, بٸلٸم جەنە عىلىم مينيسترٸ ە. ساعاديەۆ باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
پرەمەر-مينيستر ب. ساعىنتاەۆ «تسيفرلىق قازاقستان» مەملەكەتتٸك باعدارلاماسىن ٸسكە اسىرۋ ەلباسىنىڭ ەرەكشە باقىلاۋىنا الىنعانىن اتاپ ٶتتٸ. باعدارلامانى ٸسكە اسىرۋ اياسىندا قوسىلعان قۇندى ٶسٸرۋدٸ, سونداي-اق ەكونوميكاداعى شىعىنداردى قىسقارتۋدى كٶزدەيتٸن ەلەۋلٸ ەكونوميكالىق ەسەر كٷتٸلۋدە.
باعدارلاما ٸسكە اسىرىلعان بىلتىرعى جىلى بٸراز باعىت بويىنشا وڭ ديناميكا بار. زاڭنامالىق بازا جەتٸلدٸرٸلٸپ, ٶندٸرٸستٸ, بيزنەستٸ جەنە مەملەكەتتٸك باسقارۋدى ەنگٸزۋدٸڭ وڭتايلانعان تەسٸلدەرٸ ەزٸرلەندٸ. سونىمەن بٸرگە ٷكٸمەتتٸڭ تسيفرلىق كٷن تەرتٸبٸن ٸسكە اسىرۋدىڭ تيٸمدٸلٸگٸن ارتتىرۋ ماقساتىندا ورتالىق جەنە جەرگٸلٸكتٸ ورگانداردىڭ تسيفرلاندىرۋدىڭ ەسەرٸن باعالاۋ مەن مونيتورينگتەۋدٸڭ بٸرىڭعاي ەدٸسناماسىن ەزٸرلەۋ قاجەتتٸلٸگٸ تۋرالى ايتىلدى.
اقپارات جەنە كوممۋنيكاتسييالار مينيسترلٸگٸنە ەكونوميكانىڭ جەكەلەگەن سالالارىنداعى تسيفرلاندىرۋدىڭ ەلەۋەتٸن بەلگٸلەپ, سوسىن شىعىنداردىڭ ٸس جٷزٸندە قىسقارۋىن ەسكەرە وتىرىپ, تسيفرلاندىرۋ جوبالارىنىڭ تيٸمدٸلٸگٸن ەسەپتەۋدٸڭ بٸرىڭعاي ەدٸسناماسىن جاساۋ, سونداي-اق, مەملەكەتتٸك ورگاندارمەن جەنە ات-قاۋىمداستىقپەن تسيفرلىق تەحنولوگييالاردى قولدانۋ مەسەلەلەرٸ بويىنشا زاڭ جوباسىن پىسىقتاۋدى جەتەلدەتۋ تاپسىرىلدى.
«بۇل مەملەكەتتٸك باعدارلاما پرەزيدەنت نازارىندا ەكەنٸن جاقسى بٸلەسٸزدەر. اسا ماڭىزدى مٸندەتتەر قويىلىپ وتىر. وسى باعدارلامانى ٸسكە اسىرۋ شەڭبەرٸندە قوسىلعان قۇندى ٶسٸرۋدٸ, سونداي-اق ەكونوميكاداعى شىعىنداردى قىسقارتۋدى كٶزدەيتٸن ەلەۋلٸ ەكونوميكالىق ەسەرٸ تيدٸ. ەلباسى باياندامانى تىڭداعان كەزدە وسى باعىتتارعا باسا نازار اۋداردى. باعدارلامانى قابىلداعالى بەرٸ بٸر جىل ۋاقىت ٶتتٸ. بٷگٸنگٸ باياندامالاردان وڭ ديناميكانى كٶرٸپ وتىرمىز. بٸراز زاڭنامالىق بازا جەتٸلدٸرٸلٸپ جەنە ٶندٸرٸستە, بيزنەستە, مەملەكەتتٸك باسقارۋ دەڭگەيٸنٸڭ وڭتايلى تەسٸلدەرٸ ەزٸرلەنٸپ, ەنگٸزٸلٸپ جاتىر.
مەملەكەتتٸك ورگاندار مەن جەرگٸلٸكتٸ اتقارۋشى ورگاندار ٶزارا بايلانىس ۇستامايدى, ەرقايسىسى ٶز باعىتى بويىنشا جٷرگٸزٸپ جاتىر. بٸرگە كەلٸسٸپ جاسالىپ وتىرعان جۇمىستىڭ دەڭگەيٸ ناقتى كٶرٸنبەيدٸ. ياعني, بۇل جەردە بٸزگە تسيفرلاندىرۋدىڭ ەسەرٸن باعالاپ, وعان مونيتورينگ جٷرگٸزٸپ وتىرۋ كەرەك. ال مونيتورينگ جٷرگٸزۋدٸڭ نەگٸزگٸ ەدٸستەمەسٸ جوق. ەر ورگان ٶز تٷسٸنٸگٸ بويىنشا ەسەپتەۋدٸ جالعاستىرۋدا. ەكٸنشٸدەن, تسيفرلىق تەxنولوگييالاردى قولدانۋدى تالاپ ەتەتٸن قاجەتتٸ نورمالار ەلٸ تولىق جاسالىپ بٸتكەن جوق. وسىعان بايلانىستى, دەۋرەن ەسكەربەكۇلى (قر اقپارات جەنە كوممۋنيكاتسييالار مينيسترٸ - اۆت.), IT قاۋىمداستىقپەن بٸرلەسە وتىرىپ, وسى جۇمىستى تەزدەتٸپ بٸتٸرۋدٸ تاپسىرامىن», - دەدٸ ٷكٸمەت باسشىسى.
قر اقپارات جەنە كوممۋنيكاتسييالار مينيسترلٸگٸنٸڭ دەرەكتەرٸ بويىنشا, «تسيفرلىق قازاقستان» مەملەكەتتٸك باعدارلاماسى نەگٸزگٸ بەس باعىتتان, 17 باستامادان جەنە 120 ٸس-شارادان تۇرادى. 2018 جىلى 20 ٸس-شارانى جٷزەگە اسىرۋ جوسپارلانعان بولاتىن. سول جوسپارعا ساي جۇمىستار تولىق ورىندالدى.
«ەكونوميكا سالالارىن تسيفرلاندىرۋ» — بٸرٸنشٸ باعىتى بويىنشا كەلەسٸ ماڭىزدى نەتيجەلەرگە قول جەتكٸزٸلدٸ — وتىن-ەنەرگەتيكا جەنە تاۋ-كەن مەتاللۋرگييا كەشەندەرٸندە يندۋسترييا 4.0 ەلەمەنتتەرٸن قولدانۋ ارقىلى:
-
ەڭبەك ٶنٸمدٸلٸگٸ ورتاشا ەسەپپەن 10%-عا ارتتى;
-
جەكەلەگەن ٶندٸرٸستەردە ەلەكتر قۋاتى 33%-عا دەيٸن ٷنەمدەلدٸ;
-
جابدىقتاردى پايدالانۋ كوەففيتسەنتٸ 50%-عا ۇلعايدى.
پايدالى قازبالارى بار جەتٸ ٸرٸ كەن ورىندارىنا «زيياتكەرلٸك كەن ورنى» جەنە «تسيفرلىق كەنٸش» جوبالارى ەنگٸزٸلدٸ. 2019 جىلى وسىنداي جٷيە بويىنشا جۇمىس جاسايتىن نىساندار سانىن 12 بٸرلٸككە جەتكٸزۋ جوسپارلانىپ وتىر.
تاۋ-كەن ٶنەركەسٸبٸندە 102 كەسٸپورىن «ايقىن» ٶندٸرٸس دەڭگەيٸنە اۋىستىرىلدى. كٶلٸكتٸ جەنە لوگيستيكانى تسيفرلاندىرۋ اياسىندا «زيياتكەرلٸك كٶلٸك جٷيەسٸ» جوباسى جٷزەگە اسىرىلىپ جاتىر. سونداي-اق, جول اكتيۆتەرٸن باسقارۋ جٷيەسٸ ٸسكە قوسىلدى. ونىڭ اياسىندا 16 جىلجىمالى جول زەرتحاناسى ٶز جۇمىسىن باستادى.
اگروٶنەركەسٸپتٸك كەشەندٸ تسيفرلاندىرۋ اياسىندا ەلٸمٸزدٸڭ 14 پيلوتتىق شارۋاشىلىعىندا دەلمە-دەل ەگٸنشٸلٸك ەلەمەنتتەرٸ ەنگٸزٸلگەن. وسىلايشا فەرمەرلەردٸڭ شىعىندارى ورتاشا ەسەپپەن 15-20%-عا ازايىپ, استىق ٶنٸمٸ 2,5 ەسەگە ارتتى. 2019 جىلى «سمارت فەرمالاردى» 500 شارۋاشىلىققا دەيٸن جەتكٸزۋ جوسپارلانعان.
باعدارلامانىڭ تاعى بٸر نەگٸزگٸ باعىتى — ونلاين ساۋدا جٷيەسٸن دامىتۋ. ەلەكتروندى ساۋدا سۋبەكتٸلەرٸنە قاتىستى زاڭنامالىق دەڭگەيدە سالىق جەڭٸلدٸكتەرٸ قاراستىرىلعان. بۇل جەڭٸلدٸكتەردٸ ە-كوممەرتسييانىڭ 331 جاڭا سۋبەكتٸسٸ پايدالانىپ ٷلگەردٸ. قازاقستاندا اقشاسىز, ۇيالى تەلەفون ارقىلى قولما-قول ەسەپتەسۋ ەلەمدٸك ترەندتەرٸنٸڭ بٸرٸ دامۋدا. مەسەلەن 2018 جىلدىڭ قاراشا ايىنىڭ سوڭىندا ەلٸمٸزدەگٸ التى ٸرٸ بانك پيلوتتىق رەجيمدە وسى سەرۆيسكە قوسىلدى.
«تسيفرلىق مەملەكەتكە كٶشۋ» باعىتى اياسىندا بٷگٸنگٸ تاڭدا بٸلٸم بەرۋ سالاسىنىڭ بارلىق دەڭگەيٸ تسيفرلاندىرۋمەن قامتىلعان. مەكتەپكە دەيٸنگٸ بٸلٸم بەرەتٸن ۇيىمداردىڭ 64%-ى ەلەكتروندىق تٷردە ٶتٸنٸشتەر قابىلدايدى. ال مەكتەپتەردٸڭ 94%-ىندا وقۋشىلار ەلەكتروندىق كٷندەلٸكتەر مەن جۋرنالداردى پايدالانادى. جالپى, بۇل باعىتتى تسيفرلاندىرۋ اۋىلدىق جەنە قالالىق مەكتەپتەر اراسىنداعى الشاقتىقتى 30% تٶمەندەتۋگە مٷمكٸندٸك بەردٸ.
دەنساۋلىق ساقتاۋدى تسيفرلاندىرۋ شەڭبەرٸندە ەلەكتروندى قۇجات بەرۋگە مەديتسينالىق ۇيىمداردىڭ 99,2% اۋىستى. قازاقستاننىڭ 16,3 ملن تۇرعىنىندا ٶڭٸرلٸك ەلەكتروندىق دەنساۋلىق پاسپورتى بار. دەرٸگەردٸڭ قابىلداۋىنا بارۋ, ساعاتتاپ كەزەك كٷتۋ ەكٸ ەسە ازايدى. ال اناليزدەردٸڭ قورىتىندىسىن الۋ ۋاقىتى 2,5 ەسەگە دەيٸن تٶمەندەدٸ. 2019 جىلى ەلەكتروندىق دەنساۋلىق ساقتاۋ پاسپورتتارىمەن قامتاماسىز ەتۋدٸ 100%-عا جەتكٸزۋ جوسپارلانىپ وتىر.
ەلەۋمەتتٸك-ەڭبەك سالاسىن تسيفرلاندىرۋ اياسىندا ەلەكتروندىق ەڭبەك بيرجاسى ٶز تيٸمدٸلٸگٸن دەلەلدەدٸ. 2018 جىلى 533 مىڭنان اسا جۇمىس ٸزدەۋشٸ جۇمىسقا ورنالاستى, ونىڭ ٸشٸندە 409 مىڭ ازامات تۇراقتى جۇمىس ورىنىن تاپتى.
كٶرسەتٸلەتٸن مەملەكەتتٸك قىزمەتتەردٸ ەلەكتروندى فورماتقا اۋىستىرۋ جۇمىستارى دا جالعاسىپ جاتىر. قازٸرگٸ ۋاقىتتا 752 مەملەكەتتٸك قىزمەتتٸڭ 506 تٷرٸ اۆتوماتتاندىرىلدى. ياعني قىزمەت كٶرسەتۋ ۋاقىتىن 40%-عا قىسقارتۋعا مٷمكٸندٸك بەردٸ. بۇل ورتا ەسەپپەن العاندا 12 كٷننەن 7 كٷنگە دەيٸنگٸ مەرزٸم. سونىمەن قاتار, قاعاز اينالىمى 60 ملن انىقتاماعا دەيٸن قىسقارعان. 2018 جىلى ەل تۇرعىندارىنا 30 ملن قىزمەت ەلەكتروندى فورماتتا كٶرسەتٸلدٸ. استانا مەن الماتى قالالارىندا 3 كٶشٸ-قون, 8 مامانداندىرىلعان, 16 تسيفرلىق حالىققا قىزمەت كٶرسەتۋ ورتالىقتارى اشىلىپ, بيومەتريكالىق دەرەكتەر جيناۋ جٷيەسٸ ٸسكە قوسىلدى. بيىل مەملەكەتتٸك قىزمەتتەردٸڭ 80%-ىن ەلەكتروندىق فورماتقا كٶشٸرۋ, سونداي-اق, 1 تسيفرلىق جەنە 5 كٶشٸ-قون حقكو اشۋ جوسپارلانعان.
مەملەكەتتٸك باعدارلاما اياسىندا شاعىن جەنە ورتا بيزنەستٸ قولداۋعا ەرەكشە كٶڭٸل بٶلٸنگەن. 2018 جىلى كەدەندٸك رəسٸمدەردٸ ونلاين ورتالىقتان باقىلاۋعا, باج تٶلەمٸن ەسەپكە الۋدى جٷرگٸزۋگە مٷمكٸندٸك بەرەتٸن «استانا-1» اقپاراتتىق جٷيەسٸ ٸسكە قوسىلدى. كەدەندٸك دەكلاراتسييالاردى شىعارۋ ٷشٸن بۇعان دەيٸن بٸرنەشە كٷن جەنە بٸرنەشە ساعات قاجەت ەدٸ, ال قازٸر 1 مينۋتقا دەيٸن قىسقارتىلدى. بٷگٸندە جٷيەدە 859 مىڭ ەلەكتروندىق دەكلاراتسييا تٸركەلگەن, ونىڭ 85%-ى 1 مينۋت ٸشٸندە «جاسىل دەلٸز» ارقىلى رەسٸمدەلگەن. «ەلەكتروندىق شوت-فاكتۋرالار», «تاۋارلاردى تاڭبالاۋ» جٷيەلەرٸ ٸسكە اسىرىلدى, بۇل «كٶلەڭكەلٸ» ەكونوميكانى ازايتۋعا مٷمكٸندٸك بەرەدٸ.
«جالپى, 2018 جىلى ٸسكە اسىرىلعان تسيفرلىق شارالار قازٸردٸڭ ٶزٸندە ەلٸمٸزگە 218 ملرد تەڭگەدەن استام ەكونوميكالىق پايدا ەكەلدٸ. تسيفرلاندىرۋ ەسەبٸنەن قۇرىلعان جاڭا جۇمىس ورىندارىنىڭ سانى 43 مىڭنان اسادى. بيىل جۇمىس تەرتٸبٸ تولىق ورنىقتى, مەملەكەتتٸك ورگانداردىڭ جاۋاپكەرشٸلٸك اۋماعى ٸرٸكتەلدٸ, ۇلتتىق جەنە جەكە كومپانييالار الداعى ماقساتتارىن ايقىنداپ الدى. سوندىقتان دا جاڭا تەحنولوگييالاردى ەنگٸزۋدەن تٷسەتٸن ەكونوميكالىق ەسەر الداعى ۋاقىتتا قازٸرگٸ نەتيجەلەردەن دە جوعارى بولادى دەپ نىق سەنٸممەن ايتۋعا بولادى», — دەپ مەلٸمدەدٸ د. اباەۆ.
ٶز كەزەگٸندە, يندۋسترييا جەنە ينفراقۇرىلىمدىق دامۋ مينيسترٸ ج. قاسىمبەك «تسيفرلىق قازاقستان» باعدارلاماسى اياسىندا باسىم جوبالار ٶنەركەسٸپ, كٶلٸك, تۇرعىن ٷي-كوممۋنالدىق شارۋاشىلىعى, گەولوگييا جەنە جەر قويناۋىن پايدالانۋ سالالارىندا ٸسكە اسىپ جاتقانىن ايتتى.
2018 جىلى ٶنەركەسٸپتٸ تسيفرلاندىرۋ بويىنشا جەتٸ مودەلدٸك فابريكادا اۋديت اياقتالدى جەنە ولاردى تسيفرلاندىرۋ ٷشٸن جول كارتالارى بەكٸتٸلدٸ. ەر كەسٸپورىنعا شامامەن 30 ٸس-شارا ۇسىنىلدى. سونىمەن قاتار, ٶڭٸرلەردٸڭ ٶنەركەسٸپتٸك كەسٸپورىندارىن تسيفرلاندىرۋ جۇمىستارى جٷرگٸزٸلٸپ جاتىر. قر ييدم مەن ەكٸمدٸكتەر بٸرلەسٸپ, ورتا جەنە ٸرٸ ٶنەركەسٸپ نىساندارىنا تسيفرلىق تەحنولوگييالاردى ەنگٸزۋ جٶنٸندەگٸ جول كارتاسىن بەكٸتتٸ. بيىل 100-دەن استام كەسٸپورىندى تسيفرلاندىرۋ جۇمىستارى بەلسەندٸ تٷردە جالعاساتىن بولادى.
«كٶلٸكتٸ جەنە لوگيستيكانى تسيفرلاندىرۋ» مٸندەتٸ بويىنشا «زيياتكەرلٸك كٶلٸك جٷيەسٸ» (زكج) جوباسى ٸسكە اسىرىلىپ جاتىر. جٷيە جول-كٶلٸك كەشەنٸن باسقارۋدىڭ بٸرقاتار مەسەلەلەرٸن شەشۋگە مٷمكٸندٸك بەرەدٸ. مەسەلەن, كٶلٸكتٸ باقىلاۋدى اۆتوماتتاندىرۋ ٷشٸن 12 ارنايى اۆتوماتتاندىرىلعان ٶلشەۋ قۇرالى ەنگٸزٸلدٸ. بيىل جىل سوڭىنا دەيٸن جاڭا اقىلى ۋچاسكەلەردە تاعى دا 11 ارنايى اۆتوماتتاندىرىلعان ٶلشەۋ قۇرالىن ٸسكە قوسۋ جوسپارلانىپ وتىر. 2021 جىلعا قاراي ولاردىڭ جالپى سانىن 46 بٸرلٸككە دەيٸن جەتكٸزۋ جوسپارلانۋدا.
جولاۋشىلار تاسىمالداۋ سالاسىندا قوزعالىس كەستەسٸن, باعدارىن جەنە جيٸلٸگٸن ساقتاۋدى قامتاماسىز ەتۋ ماقساتىندا پيلوتتىق رەجيمدە وبلىسارالىق جەنە حالىقارالىق جولاۋشىلار تاسىمالىن ديسپەتچەرلەۋ جٷيەسٸ ٸسكە قوسىلدى. 2019 جىلدىڭ سوڭىنا دەيٸن 416 باعدار بويىنشا 2 مىڭنان استام اۆتوبۋس ٸسكە قوسىلادى.
جولداردىڭ جاعدايىن جاقسارتۋ ماقساتىندا «جول اكتيۆتەرٸن باسقارۋ جٷيەسٸ» تەجٸريبە رەتٸندە ەنگٸزدٸ. بۇل جٷيە تاڭدالعان جٶندەۋ ستراتەگيياسىنا بايلانىستى قاجەتتٸ ينۆەستيتسييالار كٶلەمٸن جەنە جولداردىڭ تەحنيكالىق جاعدايىن بولجايدى.
زيياتكەرلٸك كٶلٸك جٷيەسٸنٸڭ ماڭىزدى كومپونەنتتەرٸنٸڭ بٸرٸ— اقى الۋ, سونداي-اق جول جاعدايى بويىنشا اقپارات جيناۋ جەنە ونى كٶلٸك جٷگٸزۋشٸلەرگە ۇسىنۋ جٷيەسٸ. بٷگٸندە الماتى — قاپشاعاي, الماتى — قورعاس جەنە استانا — تەمٸرتاۋ ۋچاسكەلەرٸندە جالپى ۇزىندىعى 471 شاقىرىم بولاتىن اقى الۋ جٷيەسٸ پايدالانۋعا بەرٸلدٸ. جالپى 2020 جىلعا دەيٸن ۇزاقتىعى 6,5 مىڭ شاقىرىم بولاتىن 16 ۋچاسكەگە اقى الۋ جٷيەسٸن ەنگٸزۋ جوسپارلانۋدا.
E-SHANYRAQ جوباسىن ٸسكە اسىرۋ اياسىندا 2018 جىلدىڭ سوڭىندا پيلوتتىق رەجيمدە تۇرعىن ٷي-كوممۋنالدىق شارۋاشىلىق سالاسىنىڭ بٸرىڭعاي اقپاراتتىق جٷيەسٸ ٸسكە قوسىلدى. سونىڭ نەتيجەسٸندە جٷيەگە 5 217 كٶپپەتەرلٸ تۇرعىن ٷيدٸڭ ەلەكتروندى تەحنيكالىق پاسپورتى ەنگٸزٸلدٸ جەنە 5 767 تٷرلٸ ەسەپتەۋ قۇرالدارى قوسىلدى.
قۇرىلىس سالاسىندا ە-QURYLYS بٸرىڭعاي اقپاراتتىق جٷيەسٸ ەنگٸزٸلۋدە. جٷيە بلوكچەين رەجيمٸندە نىسان قۇرىلىسى باستالعاننان اياقتالعانعا دەيٸنگٸ بارلىق پروتسەستٸ باقىلاۋعا مٷمكٸندٸك بەرەدٸ.
بٸلٸم جەنە عىلىم مينيسترٸ ە. ساعاديەۆ قازاقستان رەسپۋبليكاسى پرەزيدەنتٸنٸڭ جولداۋىنا جەنە «تسيفرلىق قازاقستان» باعدارلاماسىنا سەيكەس بٸلٸم بەرۋ سالاسىندا تسيفرلىق تەحنولوگييالاردى دامىتۋ بويىنشا بٸرقاتار شارالار ورىندالىپ جاتقانىن, وسى ماقساتتا تسيفرلاندىرۋ وفيسٸ قۇرىلعانىن اتاپ ٶتتٸ.
1–4 سىنىپتارعا ارنالعان «اقپاراتتىق-كوممۋنيكاتسييالىق تەحنولوگييالار» پەنٸ بويىنشا تيپتٸك وقۋ باعدارلاماسى بەكٸتٸلدٸ. وسى وقۋ جىلىنان باستاپ 3-سىنىپتا وقىتۋ باستالدى. كەلەسٸ وقۋ جىلىنان باستاپ كەزەڭ كەزەنمەن قالعان سىنىپتار كٸرٸسەدٸ.
«100 ناقتى قادام» ۇلت جوسپارىنىڭ 76 قادامىنا سەيكەس مەكتەپتەردە «ينفورماتيكا» پەنٸن وقىتۋ 5–9 سىنىپتاردا اپتاسىنا 1 ساعات نەمەسە جىلىنا 34 ساعات جەنە 10–11 سىنىپتاردا اپتاسىنا 2 ساعات نەمەسە جىلىنا 68 ساعاتقا دەيٸن كٶبەيدٸ. سونىمەن قاتار, «ينفورماتيكا» پەنٸ بويىنشا وقۋ باعدارلامالارىنىڭ مازمۇنى قايتا قارالىپ, مەكتەپتە روبوتتى تەحنيكا, 3D مودەلدەۋ جەنە ماشينامەن وقىتۋدىڭ جٷيەلەرٸ سالاسىندا زاماناۋي باعدارلامالاۋ تٸلدەرٸ ەنگٸزٸلدٸ.
2018 جىلى ٸرٸ كەسٸپورىنداردا, جوعارى وقۋ ورىندارى كافەدرالارىنىڭ 12 بٶلٸمشەلەرٸ اشىلدى. بٷگٸنگٸ كٷنٸ 10 جوعارى وقۋ ورنىمەن پراكتيكالىق جەنە زەرتحانالىق ساباقتار ٶتكٸزۋ ٷشٸن ٶندٸرٸستەن كادرلار تارتىلدى. 6 جوعارى وقۋ ورنى بازاسىندا اقپاراتتىق تەحنولوگييالار, كيبەرقاۋٸپسٸزدٸك, اقپاراتتىق قاۋٸپسٸزدٸك بويىنشا بٸلٸكتٸلٸك ورتالىقتارى اشىلدى.
اقپاراتتىق تەحنولوگييالار سالاسىندا قاجەتتٸ ماماندىقتار بويىنشا مەملەكەتتٸك تاپسىرىس كٶلەمٸ ۇلعايدى. 2018 جىلى ات ماماندىعى بويىنشا 10 مىڭنان استام گرانت بٶلٸندٸ.
مەملەكەتتٸك باعدارلامانىڭ 87-تارماعىن ٸسكە اسىرۋ ماقساتىندا ق.ي. سەتباەۆ اتىنداعى ۋنيۆەرسيتەت بازاسىندا ٶنەركەسٸپتٸك اۆتوماتتاندىرۋ جەنە تسيفرلاندىرۋ ينستيتۋتىن قۇرۋ بويىنشا جۇمىستار جٷگٸزٸلٸپ جاتىر.
جوعارى وقۋ ورىندارىنىڭ اكادەمييالىق جەنە باسقارۋ دەربەستٸگٸن كەڭەيتۋ مەسەلەلەرٸ بويىنشا زاڭ قابىلداندى. وسى جىلى قر بعم 20-دان استام ەكسپەريمەنتتٸك بٸلٸم بەرۋ باعدارلاماسىن بەكٸتتٸ. وسى وقۋ جىلىنان باستاپ بۇل باعدارلامالار 8 جوعارى وقۋ ورنىنا ەنگٸزٸلدٸ.
سونداي-اق, اشىق بٸلٸم بەرۋدٸڭ ۇلتتىق پلاتفورماسىن قۇرۋ جۇمىستارى جٷرگٸزٸلۋدە. پلاتفورمادا ەرتٷرلٸ بٸلٸم كۋرستارى, سونىڭ ٸشٸندە 3D مودەلدەۋ, اقپاراتتىق قاۋٸپسٸزدٸك, باعدارلامالاۋ, اT تٸلدەرٸ جەنە ت.ب. كۋرستار بولادى. سونىمەن قاتار, بٸلٸم بەرۋدٸ جەنە عىلىمدى بٸرىڭعاي باسقارۋ جٷيەسٸن قۇرۋ بويىنشا جوبالاردى ٸسكە اسىرىلىپ جاتىر.
