بٷگٸن قر پرەمەر-مينيسترٸ باقىتجان ساعىنتاەۆ «استانا» حالىقارالىق قارجى ورتالىعىنىڭ تانىستىرىلىمىنا جەنە قازاقستان ەلورداسىنىڭ 20 جىلدىعىن مەرەكەلۋگە قاتىسۋ ٷشٸن كەلگەن تاتارستان رەسپۋبليكاسىنىڭ پرەزيدەنتٸ رۋستام ميننيحانوۆپەن كەزدەستٸ. بۇل تۋرالى primeminister.kz سايتىندا حابارلاندى.
كەزدەسۋ بارىسىندا ساۋدا-ەكونوميكالىق ىنتىماقتاستىقتىڭ ٶزەكتٸ مەسەلەلەرٸ جەنە ينۆەستيتسييالىق ٶزارا ٸس-قيمىلدى ودان ەرٸ كەڭەيتۋ جوسپارلارى, سونداي-اق ترانزيتتٸك-كٶلٸك سالاسىنداعى بٸرلەسكەن جوبالاردى ٸسكە اسىرۋ كەلەشەگٸ تالقىلاندى.
بۇدان ٶزگە, كەزدەسۋ قاتىسۋشىلارى بٸلٸم بەرۋ جەنە ٶنەركەسٸپ سالالارىنداعى ٶزارا ٸس-قيمىل باعىتتارىن قارادى. ب. ساعىنتاەۆ قازاقستانعا تاتارستاننىڭ تسيفرلىق سەرۆيستٸك قىزمەتتەردٸ ەنگٸزۋ مەن اقپاراتتىق تەحنولوگييالاردى دامىتۋداعى تەجٸريبەسٸ قىزىعۋشىلىق تۋدىراتىنىن مەلٸمدەدٸ.
ٶز كەزەگٸندە, تاتارستان پرەزيدەنتٸ رۋستام ميننيحانوۆ قازاقستان مەن تاتارستاننىڭ ەكونوميكانىڭ تٷرلٸ سالالارىنداعى تيٸمدٸ ىنتىماقتاستىعىنىڭ ماڭىزدىلىعىن اتاپ ٶتتٸ.
