Búgin QR Premer-Ministri Baqytjan Saǵyntaev «Astana» halyqaralyq qarjy ortalyǵynyń tanystyrylymyna jáne Qazaqstan elordasynyń 20 jyldyǵyn merekelýge qatysý úshin kelgen Tatarstan Respýblikasynyń Prezidenti Rýstam Minnihanovpen kezdesti. Bul týraly primeminister.kz saitynda habarlandy.
Kezdesý barysynda saýda-ekonomikalyq yntymaqtastyqtyń ózekti máseleleri jáne investitsiialyq ózara is-qimyldy odan ári keńeitý josparlary, sondai-aq tranzittik-kólik salasyndaǵy birlesken jobalardy iske asyrý keleshegi talqylandy.
Budan ózge, kezdesý qatysýshylary bilim berý jáne ónerkásip salalaryndaǵy ózara is-qimyl baǵyttaryn qarady. B. Saǵyntaev Qazaqstanǵa Tatarstannyń tsifrlyq servistik qyzmetterdi engizý men aqparattyq tehnologiialardy damytýdaǵy tájiribesi qyzyǵýshylyq týdyratynyn málimdedi.
Óz kezeginde, Tatarstan Prezidenti Rýstam Minnihanov Qazaqstan men Tatarstannyń ekonomikanyń túrli salalaryndaǵy tiimdi yntymaqtastyǵynyń mańyzdylyǵyn atap ótti.
