قازاقستان ٷكٸمەتٸنٸڭ باسشىسى باقىتجان ساعىنتاەۆ الداعى ون جىلعا ەزٸرلەنگەن مال شارۋاشىلىعىن دامىتۋ باعدارلاماسىن جٷزەگە اسىرۋعا بٸر كٸسٸدەي جۇمىلۋعا شاقىردى, دەپ حابارلايدى Sputnik قازاقستان تٸلشٸسٸ.
"اۋىل شارۋاشىلىعىنىڭ دامۋى قانشالىقتى ماڭىزدى ەكەنٸن بەرٸمٸز بٸلەمٸز. ەلباسى ٶز سٶزٸندە ەكونوميكا ٶسٸمٸنٸڭ درايۆەرٸ اۋىل شارۋاشىلىعى بولۋى تيٸس ەكەنٸن ايتقان بولاتىن. ونىڭ ٸشٸندە ماڭىزدىسى – ەتتٸ مال شارۋاشىلىعى. سول سەبەپتەن بۇل جۇمىسقا بارلىعىمىز بٸر كٸسٸدەي كٷش سالىپ, كٸرٸسۋٸمٸز كەرەك", — دەدٸ ساعىنتاەۆ ٷكٸمەت وتىرىسىندا.
پرەمەر-مينيستر بۇعان دەيٸن مال شارۋاشىلىعى سالاسىندا ورىندالماعان مٸندەتتەردٸ ەسكە سالدى.
"جاسىراتىن نەسٸ بار, كەزٸندە بٸز 2010-2016 جىلى 60 مىڭ ٸرٸ قارا مال ەتٸن سىرتقا ەكسپورتتايمىز دەپ مٸندەتتەمە العان بولاتىنبىز. اقىرى سول مٸندەت ورىندالمادى. ەرتٷرلٸ سەبەپتەرمەن, ەرينە, قازٸر ونى تالقىلاۋىڭ قاجەتٸ جوق. 2016 جىلى بٸز بار بولعانى 6,8 مىڭ توننا ەت ەكسپورتتاساق, 2017 جىلى 5 مىڭ توننا ٸرٸ قارا مال ەتٸ سىرتقا شىقتى. ەندٸ قازٸر ەلباسىنىڭ تٸكەلەي ارالاسۋىمەن قىتايعا جىلقى ەتٸ مەن قوي ەتٸن كٸرگٸزۋ بويىنشا كەدەرگٸلەر الىنىپ تاستالدى. اراب ەمٸرلٸگٸمەن دە ٸرٸ قارا مال ەتٸن ساتىپ الۋ, كٸرگٸزۋ كەدەرگٸلەرٸ دە الىنىپ تاستالدى. قىتايمەن ٸرٸ قارا مال ەتٸ بويىنشا جۇمىس جىل سوڭىنا دەيٸن اياقتالادى. الداعى ۋاقىتتا مال سانىن كٶبەيتٸپ, ەكپورتقا شىعارۋعا مٷمكٸندٸكتەر بار", — دەدٸ ٷكٸمەت باسشىسى.
وسى ورايدا ساعىنتاەۆ بٷگٸنگٸ باعدارلامادا جوسپارلانعان شارالاردى ٸسكە اسىرۋ ٷشٸن مەملەكەتتٸك ورگاندارمەن تاعى بٸر مەرتە پىسىقتاپ الۋدى تاپسىردى.
"ٷلكەن تاپسىرما, مٸندەت قويىلىپ وتىر. "اسپانداعى قۇستى ۇياتقا قالدىراتىن جەردەگٸ جەم" دەيدٸ, سول سەبەپتٸ ٷلكەن تاپسىرمانى ورىنداۋ بارىسىندا ٶمٸرزاق ەستايۇلى (اۋىل شارۋاشىلىعى مينيسترٸ – اۆتور ەسكەرتپ.), ەلباسى مەن حالىقتىڭ الدىندا تاعى دا ۇياتقا قالمايىق. باقىلاۋ سٸزدە", — دەپ تاپسىردى پرەمەر.
