پرەمەر-مينيستر باقىتجان ساعىنتاەۆ بٸرٸنشٸ ورىنباسارى مەن ٸشكٸ ٸستەر مينيسترٸنە سۋ تاسقىنى كەزەڭٸندە ٶڭٸرلەردٸ جاعدايدى قاتاڭ باقىلاۋدا ۇستاۋدى تاپسىردى, دەپ حابارلايدى "ۇلت اقپارات" Sputnik قازاقستان اگەنتتٸگٸنە سٸلتەمە جاساپ.
ٷكٸمەت باسشىسى جىل سايىن سۋ تاسقىنىنىڭ سالدارىن جويۋعا قازىنادان ميللياردتاعان قارجى بٶلۋ اقشانى تيٸمسٸز جۇمساۋ ەكەنٸن ايتتى. ونىڭ ورنىنا دۇرىس باعدارلاما قابىلداپ, اپاتتىڭ الدىن العان جٶن.
"ٶتكەن جىلى سۋ تاسقىنىنىڭ سالدارىمەن كٷرەسۋ ٷشٸن جىل سايىن ميللياردتاعان قارجى بٶلۋدٸڭ ورنىنا دۇرىس باعدارلاما قابىلداۋ كەرەكتٸگٸن ايتتىق. مەسەلەن بىلتىر بٸز رەزەرۆتەن 5,8 ميلليارد تەڭگە بٶلدٸك. اقمولا وبلىسىنىڭ ەكٸمٸ ماعان تۇتاس شاعىن اۋدان سالۋ ٷشٸن 2-3 ميلليارد جەتەر ەدٸ دەيدٸ. بيىل ەكٸ ميللياردتان استام قىزىلوردا سۇراپ وتىر. كٶپ ۇزاماي تاعى بٸر وبلىس اقشا سۇراۋى مٷمكٸن, قۇداي ساقتاسىن, ەرينە. بۇل اقشانى تيٸمسٸز جۇمساۋ دەپ سانايمىن. ونىڭ ورنىنا بٶگەتتەر, باسقا دا گيدروتەحنيكالىق قۇرىلىستاردىڭ ساپاسىن تەكسەرٸپ, دۇرىس قاراۋ كەرەك. وبلىس ەكٸمدەرٸنە ٷلكەن جاۋاپكەرشٸلٸك جٷكتەلٸپ وتىر. جاڭا بٸردە-بٸر ەكٸم ٸشكٸ ٸستەر مينيسترٸنٸڭ ايتقانىنا قۇلاق اسپادى. ول (مينيستر –رەد. ەسكەرت) ٶز بايانداماسىندا جۇمىس كەمشٸن جٷرگٸزٸلٸپ جاتقان وبلىستاردى اتادى. ال دەگەنمەن بارلىق ەكٸم ٶڭٸرلەردە جۇمىس جاقسى جٷرٸپ جاتانىن باياندادى. جاقسى بولسا ەڭگٸمە جوق, بٸراق نەگە كٶپ دٷنيە وسى كەزگە دەيٸن جاسالىپ بٸتپەگەن? سوندىقتان قۇلمۇحانبەت نۇرمۇحانبەتۇلى (ٸشكٸ ٸستەر مينيسترٸ –رەد.ەسكەرت) اسقار ۇزاقبايۇلىمەن (پرەمەردٸڭ بٸرٸنشٸ ورىنباسارى –رەد. ەسكەرت) بٸرگە جاعدايدى ٷنەمٸ باقىلاۋدا ۇستاڭدار. يەسٸز گيدروتەحنيكالىق جەنە باسقا دا قۇرىلىستار باقىلاۋعا الىنسىن. ٶتكەن جىلداعىداي بولماسىن, كٸنەلٸنٸ ٸزدەپ, ەڭ اقىرى دۇرىس اقپار بەرمەدٸ دەپ بار كٸنەنٸ قازگيدرومەتكە ارتا سالدى. ال سونداعىسى ٶزدەرٸ بەيقام جٷردٸ, بۇعان ەشكٸم نازار اۋدارمادى, جاۋاپكەرشٸلٸكتٸ دە موينىنا المادى. سوندىقتان بۇل باعىتتا جۇمىستى جالعاستىرامىز", — دەپ تاپسىردى ساعىنتاەۆ ٷكٸمەتتٸڭ كەزەكتٸ وتىرىسىندا.
پرەمەر-مينيستر پرەزيدەنتتٸڭ تاپسىرماسىنا سەيكەس جاڭا سۋ قويمالارىن سالۋ مەسەلەسٸن جاقىن ارادا جەكە قاراستىرۋ قاجەت.
"باياندامالاردا ايتىپ ٶتكەندەي, بىلتىر قابىلدانعان جول كارتاسىنا بايلانىستى بٸرشاما جۇمىس اتقارىلعان. كٶلەمٸ اۋقىمدى, دەگەنمەن دە اتقارىلاتىن جۇمىس جەتەرلٸك. بٷگٸن ايتىلعانداي, الدىن الا قاۋٸپ-قاتەردەن ساقتانىپ قانا قويماي, ەلباسىنىڭ تاپسىرماسىنا سەيكەس جاڭا سۋ قويمالارىن سالۋ كەرەك. بۇل مەسەلە جەكە قارالۋى تيٸس. اقمولا, جامبىل, سولتٷستٸك قازاقستان وبلىسىنا بايلانىستى بەرٸلگەن تاپسىرمالاردىڭ اتقارىلۋىن قاراپ شىعۋىمىز كەرەك. كٷردەلٸ مەسەلەلەردٸڭ بەرٸ شەشٸمٸن تابۋى تيٸس. قازاقتا "سۋ – تٸلسٸز جاۋ" دەگەن سٶز بار. كٶپ شارۋا جاسالىپ جاتىر, دەسەك تە بٸر كٷندە سۋدىڭ قايدان كەلگەنٸن بٸلمەي قالامىز. جايباراقات وتىرۋعا بولمايدى, قاتاڭ باقىلاۋعا الۋ كەرەك", — دەپ قورىتتى ول.
