قازاقستان رەسپۋبليكاسىنىڭ پرەمەر-مينيسترٸ باقىتجان ساعىنتاەۆ "Astana AgroForum 2018" شاراسىندا ەت ٶنٸمدەرٸن شەتەلدٸك ستاندارتقا سəيكەستەندٸرۋ كەرەكتٸگٸن ايتتى, دەپ حابارلايدى Baq.kz اگەنتتٸگٸ.
"بٸز "قازاقپىز, مال باعىپ ٶسكەنبٸز, مالدى بٸزدەن ارتىق ەشكٸم بٸلمەيدٸ" دەيمٸز. بٸراق, بٸزدٸڭ مالىمىزدى ەشكٸم المايدى. نەگە? ٶيتكەنٸ, بٸز جەيتٸن ەت پەن مىسالى قىتاي جەيتٸن ەتتٸڭ ستاندارتى ەكٸ بٶلەك. مىسالى, قازٸر قىس كەلە جاتىر, سوعىمدى الايىق. سوعىمدى بٸز جاقسىلاپ تۇرىپ باعامىز, كٷتەمٸز, قازى بٸر ەلٸ بولسا, "جارامايدى, ٷش ەلٸ, تٶرت ەلٸ, تابان بولسىن" دەيمٸز. ال سول ەتپەن بٸز سىرتقا شىعامىز با? ونى ەشكٸم المايدى. سول سەبەپتٸ الاتىن ەلدەردٸڭ ستاندارتىنا ساي جۇمىس جاساۋىمىز كەرەك", - دەدٸ ساعىنتاەۆ.
ٷكٸمەت باسشىسى ارگەنتينا, برازيلييا مەن ۋرۋگۆايدىڭ قىتايعا ەت ەكسپورتتايتىنىن ايتتى. ساعىنتاەۆ قىتايعا قوي ەتٸنٸڭ اۆسترالييا مەن جاڭا زەلاندييادان تەڭٸز ارقىلى كەلەتٸنٸن دە جەتكٸزدٸ.
"مəسەلەن, اۆسترالييا دا بٸز سيياقتى مەملەكەت. ولاردىڭ حالقىنىڭ سانى 20 ميلليوننان سəل اسادى. اۋىل شارۋاشىلىعى بٸزگە ۇقساس. بٸزدٸڭ اۆسترالييادان ايىرماشىلىعىمىز - بٸزدە تەڭٸز جوق. بٸراق, بٸزدٸڭ شەكارامىز جاقىن (قىتايمەن - اۆت.). بٸزگە تەڭٸز ارقىلى جەتكٸزٸپ كەرەك ەمەس, شەكارادان اسساق, سۇرانىس بار. ٶمٸرزاق ەستايۇلى (شٷكەەۆ-اشم مينيسترٸ-اۆت.) 8-9 ايدا 9,5 مىڭ توننا ەت ەكسپورتتاۋىمىز كەرەك دەيدٸ. بٸز بۇعان دا قۋانامىز. ال بٸزدٸڭ قىتايلىق əرٸپتەس "بٸز 300 ملن يمپورتتايمىز" دەيدٸ. بىلايشا ايتقاندا, 9,5 مىڭ توننا دەگەن بٸر كٶشەنٸڭ جەيتٸن تاماعى", - دەدٸ باقىتجان ساعىنتاەۆ.
پرەمەر-مينيستر ەلٸمٸزگە ۇتىمدى سəتتٸ پايدالانۋ كەرەك دەيدٸ. ول قىتايدىڭ جاعالاۋ جاعىنا كەتپەي-اق, سيان قالاسى ورنالاسقان شانسي پروۆينتسيياسىنا دەيٸن قامتاماسىز ەتۋگە بولادى دەدٸ. وسى پروۆينتسيياعا دەيٸن 400 ملن حالىق تۇرادى ەكەن. ياعني, قازاقستانعا ەتپەن تولىق قامتاماسىز ەتۋ ٷشٸن باتىس قىتايدىڭ ٶزٸ جەتكٸلٸكتٸ.
