بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىندا قر ٷكٸمەت باسشىسى باقىتجان ساعىنتاەۆ ەلباسىنىڭ "بەس ەلەۋمەتتٸك باستاماسىن" تىڭعىلىقتى جٷزەگە اسىرۋعا باعىتتالعان بٸرقاتار تاپسىرما بەردٸ.
"ەلباسىنىڭ "بەس ەلەۋمەتتٸك باستاماسى" - اۋقىمدى باعدارلاما. سوندىقتان بٸز ەربٸر باستامانى ساپالى جٷزەگە اسىرۋعا مٸندەتتٸمٸز. باياندامادان كٶرٸپ وتىرعانىمىزداي, جالپى بارلىق باعىتتار بويىنشا جۇمىستار ورىندالىپ جاتىر. بٸرٸنشٸ باستاما (حالىقتى قولجەتٸمدٸ باسپانامەن قامتۋ) بويىنشا جۇمىستى جالعاستىرۋ قاجەت. اسقار ۇزاقبايۇلى (ٷكٸمەت باسشىسىنىڭ بٸرٸنشٸ ورىنباسارى اسقار مامين) دانييار تالعاتۇلىنىڭ (ۇلتتىق بانك تٶراعاسى دانييار اقىشەۆ) تاراپىنان ايتىلعان ۇسىنىستاردى وسى اپتانىڭ سوڭىنا دەيٸن قاراپ, جۇما كٷنٸ شەشٸمٸن شىعارۋ كەرەك. شىن مەنٸندە بٸراز كەدەرگٸ بار. ونىڭ بەرٸن جويىپ, باعدارلامانىڭ جٷرۋٸن جىلدامداتۋىمىز قاجەت", - دەدٸ ٷكٸمەت باسشىسى.
پرەمەر-مينيستردٸڭ ايتۋىنشا, «جالاقىسى تٶمەن جۇمىسشىلاردىڭ ەڭبەكاقىسىن كٶبەيتۋ ٷشٸن ولاردىڭ سالىق جٷكتەمەسٸن ازايتۋ» اتتى ەكٸنشٸ باستاما ورىندالدى. 20 مىڭ بٸلٸم گرانتىن بٶلۋدٸ كٶزدەيتٸن ٷشٸنشٸ باستامانىڭ بٸرٸنشٸ بٶلٸگٸ جۇمىسىن اياقتادى. ەكٸنشٸ بٶلٸگٸ ستۋدەنتتەردٸ جاتاقحانامەن قامتۋدى كٶزدەيدٸ.
"ەرلان كەنجەعاليۇلى (بٸلٸم جەنە عىلىم مينيسترٸ ساعاديەۆ), ەكٸمشٸلٸكتەرمەن بٸرلەسە وتىرىپ, بٷگٸنگٸ ايتىلعان ۇسىنىستاردىڭ بارلىعىن تاعى بٸر پىسىقتاپ الۋ قاجەت. ەگەر بيىل 5 مىڭ جاتاقحانا ورنى تاپسىرىلۋى كەرەك بولسا, وندا سونىڭ بارلىعىن ورىنداۋىمىز قاجەت", - دەدٸ باقىتجان ساعىنتاەۆ.
ٷكٸمەت باسشىسىنىڭ سٶزٸنە قاراعاندا, حالىقتىڭ تابىسىنىڭ ارتۋىن قامتاماسىز ەتۋ ٷشٸن ٶزٸن-ٶزٸ جۇمىسپەن قامتىعان جەنە جۇمىسسىز حالىققا ميكرونەسيە بەرۋدٸ كٶزدەيتٸن تٶرتٸنشٸ باستاما بويىنشا نەگٸزٸنەن ينديكاتورلىق كٶرسەتكٸشتەرگە قول جەتكٸزٸلدٸ. بٸراق تالاپ ەتٸلگەن ساپاسى ٶتە تٶمەن. بۇل رەتتە ەڭبەك جەنە حالىقتى ەلەۋمەتتٸك قورعاۋ مينيسترلٸگٸ تاراپىنان جٷرگٸزٸلگەن جۇمىستار دۇرىس ٷيلەستٸرٸلمەگەن ميكرونەسيەلەر 4 ٶڭٸردەن باسقا وبلىستاردا 100 پايىزدان تٶمەن يگەرٸلگەن.
"بەسٸنشٸ باستاما ۋاقىتىندا سالىنىپ, ٸسكە قوسىلۋىن قامتاماسىز ەتۋٸمٸز قاجەت. قانات الدابەرگەنۇلى جۇمىس جٷرگٸزٸلٸپ جاتىر, باقىلاۋىڭىزدا بولسىن", - دەدٸ پرەمەر-مينيستر "سارىارقا" ماگيسترالدى گاز قۇبىرىنىڭ قۇرىلىسىنا جاۋاپتى ەنەرگەتيكا مينيسترٸ بوزىمباەۆقا قاراتا.
