"قر بٸلٸم جەنە عىلىم مينيسترٸ ەرلان ساعاديەۆ ٶز قىزمەتكەرلەرٸن جۇمىستان ۋاقىتىندا ٷيلەرٸنە جٸبەرەدٸ", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«جۇمىستان 18-00-دە جٸبەرەتٸن بولامىز. قورىقپاڭىزدار. قازٸردٸڭ ٶزٸندە بٸز جۇمىستان دەل وسى ۋاقىتتا بوساتۋدامىز. بٷگٸندە بارلىق سەتتەردٸ قاراستىرىپ, كەلٸسۋدەمٸز. بٸز ٶزٸمٸز ساعات 18-00-دە جۇمىستان بوساتۋعا تىرىسامىز. بٸزدە ەڭبەك زاڭناماسى تالاپتارىن بارىنشا قاتاڭ ورىنداۋ تۋرالى نۇسقاۋلىق بولدى. مەن بۇل ٸستٸ ٷكٸمەتتەن باستاۋدى ۇسىندىم. ٶيتكەنٸ, ەگەردە ونى ەۋەلٸ ٷكٸمەت باستايتىن بولسا, سوعان وراي قالعاندارىنا دا بٸرشاما جەڭٸل بولار ەدٸ. بٸز ٶزٸمٸزدٸڭ مينيسترلٸكتە بۇل پروتسەستٸ باستادىق. بۇل قانداي نەتيجە بەرەتٸندٸگٸن كٷتەيٸك», - دەدٸ ساعاديەۆ «Bolashak Alumni Reunion Conference and Education Fair - 2016 (BARCEF - 2016)» "بولاشاق" باعدارلاماسىنىڭ III حالىقارالىق كونفەرەنتسيياسى اسىندا باق ٶكٸلدەرٸنە بەرگەن سۇحباتىندا.
ايتا كەتەيٸك, وسى اپتادا ٶتكەن ٷكٸمەت وتىرىسىندا ەلٸمٸزدٸڭ بٸلٸم جەنە عىلىم مينيسترٸ ەرلان ساعاديەۆ مەملەكەتتٸك قىزمەتشٸلەردٸ ٷيلەرٸنە, بالالارىنىڭ جانىنا كەشكٸ 6-دان كەيٸن جٸبەرۋ قاجەت دەگەن باستاما كٶتەرگەن بولاتىن.
«اتا-انالاردىڭ بالالاردى تەربيەلەۋدەگٸ رٶلٸ مەن جاۋاپكەرشٸلٸگٸ تٶمەندەپ كەتتٸ. اتا-انالار ٷنەمٸ جۇمىستا بولعاندىقتان, بالانىڭ تەربيەسٸمەن اينالىسۋعا ۋاقىتى بولمايدى. ونىڭ ٸشٸندە مەملەكەتتٸك قىزمەتكەرلەر دە كٶپ. قازٸرگٸ ۋاقىتتا تەك 10-12 پايىز اتا-انالار عانا مەكتەپتەگٸ جينالىسقا قاتىسادى. بٸزدٸڭ ەسەبٸمٸز بويىنشا, اتا-انالاردىڭ 50 پايىزى 11 جىلدىڭ ٸشٸندە مەكتەپتەرگە كەلمەيدٸ. بٸزدٸڭ ويىمىزشا, اتا-انالاردى ساعات 6-دان كەيٸن ۋاقىتىندا ٷيلەرٸنە, بالالارىنا جٸبەرۋ تەجٸريبەسٸن باستاۋ قاجەت», - دەدٸ ساعاديەۆ.
.jpeg)