قر پرەزيدەنتتٸگٸنە ٷمٸتكەر سەدٸبەك تٷگەل سايلاۋالدى باعدارلاماسىن تانىستىرۋدى ەلوردانىڭ كٸرەبەرٸسٸندەگٸ قۇلاگەر ەسكەرتكٸشٸنٸڭ جانىندا جينالعان نۇر-سۇلتان قالاسى مەن شورتاندى اۋدانىنىڭ قۇرمەتتٸ اقساقالدارىمەن كەزدەسۋدەن باستادى.
«بيىل «قۇلاگەر» پوەماسىنىڭ اۆتورى ٸليياس جانسٷگٸروۆتىڭ تۋعانىنا 125 جىل تولاتىن بولسا, وسى ەسكەرتكٸشتٸڭ يدەياسىنىڭ اۆتورى ەرٸ ونى ورناتقان ۇلتجاندى ازامات سەدٸبەك تٷگەلدٸڭ دە اقساقالداردىڭ باتاسىن الۋعا وسىندا كەلۋٸ جينالعانداردىڭ كٶڭٸلٸنەن شىقتى» دەلٸنگەن حابارلامادا.
سەدٸبەك تٷگەل اقساقالدارمەن كەزدەسۋٸندە ٶزٸنٸڭ سايلاۋالدى باعدارلاماسىنداعى نەگٸزگٸ مٸندەتتەرگە توقتالعان. جاستاردى ۇلتتىق قۇندىلىقتاردى ۇلىقتاۋ مەن وتانسٷيگٸشتٸككە تەربيەلەۋ, مەملەكەتتٸك تٸلدٸ دامىتۋ جەنە حالقىمىزدىڭ مەدەنيەتٸ مەن سالت-دەستٷرٸن ناسيحاتتاۋ تۇرعىسىنداعى ۇستانىمدارىن جەتكٸزگەن.
قر پرەزيدەنتٸگٸنە ٷمٸتكەردٸڭ اتىنا ەڭبەك ارداگەرلەرٸ كامەلياش شوشاي, شايزانحان قۇمارييا جەنە ارىققارا قاپي, مەملەكەت جەنە قوعام قايراتكەرٸ قىدىرباي نۇرپەيٸسوۆ, قازاقستانعا ەڭبەگٸ سٸڭگەن دەرٸگەر الدابەرگەن وماربەكوۆ جىلى لەبٸزدەرٸن بٸلدٸرٸپ, اق باتالارىن بەردٸ.
«قۇلاگەر ەسكەرتكٸشٸ – بۇل ەلدٸك پەن بٸرلٸكتٸڭ بەلگٸسٸ دەسەك, سەدٸبەك تٷگەلگە جينالعان جاندار تاراپىنان ايتىلعان اقجارما باتا «تٶرتەۋ تٷگەل بولسا, تٶبەدەگٸ كەلەدٸ» دەگەندەي كٶڭٸلگە شۋاق سىيلادى» دەيدٸ باسپاسٶز ٶكٸلدەرٸ.
كەزدەسۋگە «ۇلى دالا قىراندارى» قوعامدىق بٸرلەستٸگٸنٸڭ تەڭ تٶراعاسى, شتاب جەتەكشٸسٸ مارات نەبيەۆ قاتىستى.
