تاتارستان پرەزيدەنتٸ رۋستام ميننيحانوۆ قازاقستانداعى تاتار جەنە باشقۇرت كونگرەسٸنٸڭ اكتيۆٸمەن كەزدەستٸ, دەپ حابارلايدى قازاقپارات تٸلشٸسٸ.
كەزدەسۋ «تاتارستان - جاڭا عاسىر» تەلەراديوكومپانيياسىنىڭ كوررەسپوندەنتتٸك پۋنكتٸنٸڭ قازمەديادا ٶتكەن اشىلۋ سالتاناتىنان كەيٸن بولدى. تر ۆيتسە-پرەمەرٸ, تاتارلاردىڭ دٷنيەجٷزٸلٸك كونگرەسٸنٸڭ «ميللي شۋرا» ۇلتتىق كەڭەسٸنٸڭ تٶراعاسى ۆاسيل شايحرازيەۆ مودەراتور رەتٸندە سٶز سٶيلەدٸ.
قازاقستانداعى تاتار جەنە باشقۇرت كونگرەسٸنٸڭ باسشىسى, قازاقستان حالقى اسسامبلەياسى كەڭەسٸنٸڭ مٷشەسٸ, تاتارلاردىڭ دٷنيەجٷزٸلٸك كونگرەسٸنٸڭ «ميللي شۋرا» ۇلتتىق كەڭەسٸنٸڭ تٶراعاسى تاۋفيك كاريموۆ پرەزيدەنت رۋستام ميننيحانوۆكە قازاقستانداعى تاتارلار قاۋىمداستىعىنىڭ دامۋى تۋرالى باياندادى.
«قازاقستان پرەزيدەنتٸ نۇرسۇلتان نازارباەۆتىڭ جەنە سٸزدٸڭ تاتارستانعا جاساعان ساپارلارىڭىز استانا مەن قازان اراسىنداعى ەكونوميكالىق جەنە مەدەني ىنتىماقتاستىقتى دامىتۋعا زور ىقپالىن تيگٸزەدٸ. قازاقستانداعى تاتار حالقىنىڭ اتىنان استانادا اشىلعان «تجع» كوررەسپوندەنتتٸك پۋنكتٸ ٷشٸن العىسىمدى بٸلدٸرەمٸن. بٸز وسى ماقساتتا بىلتىر تامىز ايىندا سٸزگە تالدىقورعاندا ٶتٸنٸش بٸلدٸرگەن ەدٸك. ال ەندٸ استانانىڭ 20 جىلدىعىنا وراي جەكە قاتىسۋىڭىزبەن سالتاناتتى اشىلۋ رەسٸمٸن تاماشالاپ وتىرمىز. رەسەيدەن تىس جەردەگٸ تجع-نىڭ العاشقى كوررەسپوندەنتتٸك پۋنكتٸ اقپارات تاراتۋ سالاسىنا زور ٷلەسٸن قوسىپ, ۇلتتار اراسىنداعى دوستاستىقتى نىعايتادى. وندا كٶرسەتٸلەتٸن باعدارلامالار تەك تاتار حالقىنا ەمەس, قازاقتار ٷشٸن دە قىزىقتى بولادى. سەبەبٸ بٸزدٸڭ دٸنٸمٸز دە, دەستٷرٸمٸز دە, تٸلٸمٸز دە - بٸر, - دەدٸ ت. كاريموۆ.
ونىڭ ايتۋىنشا, دەل قازٸر قازاقتاردىڭ دٷنيەجٷزٸلٸك قاۋىمداستىعى مەن تاتارلاردىڭ دٷنيەجٷزٸلٸك قاۋىمداستىعى اراسىندا, سونداي-اق, ەكٸ ەلدٸڭ ٸرگەلٸ اقپاراتتىق اگەنتتٸكتەرٸ - قازاقپارات جەنە تاتار-اقپارات اراسىندا مەموراندۋمعا قول قويۋ بويىنشا جۇمىستار اتقارىلىپ جاتىر.
كەزدەسۋگە قازاقستان تاراپىنان قازاقستان حالقى اسسامبلەياسىنىڭ تٶراعا ورىنباسارى يسلامبەك سالجانوۆ, قازاقتاردىڭ دٷنيەجٷزٸلٸك قاۋىمداستىعىنىڭ تٶراعا ورىنباسارى ارعىن وسپانوۆ, «قازاقپارات» حالىقارالىق اقپارات اگەنتتٸگٸنٸڭ باس ديرەكتورى اسقار وماروۆ, قازانداعى قر باس كونسۋلى ەركٸن تۇقىموۆ قاتىستى. شارا بارىسىندا تاتارستاننىڭ قازاقستانداعى جاڭادان تاعايىندالعان ۋەكٸلەتتٸ ٶكٸلٸ دەنيس ۆالەەۆ تانىستىرىلدى.
