ٶزبەكستان ۇلتتىق قاۋٸپسٸزدٸك قىزمەتٸنٸڭ (ۇقق) ورنىنان الىنعان باسشىسى رۋستام ينوياتوۆ پرەزيدەنتتٸڭ ساياسي-قۇقىقتىق مەسەلەلەر بويىنشا مەملەكەتتٸك كەڭەسشٸسٸ قىزمەتٸنە تاعايىندالدى. ٶزبەكستان پرەزيدەنتٸ باسپاسٶز قىزمەتٸنٸڭ حابارلاۋىنشا, پرەزيدەنت شاۆكات ميرزيياەۆ رۋستام ينوياتوۆتى جاڭا قىزمەتكە 31 قاڭتاردا تاعايىنداعان.
ۇقق-نى 23 جىلعا جۋىق ۋاقىت باسقارعان 73 جاستاعى رۋستام ينوياتوۆتىڭ ورنىنان الىنعانى 31 قاڭتاردا مەلٸم بولعان. ونىڭ ورنىنا وسىعان دەيٸن باس پروكۋرور قىزمەتٸن اتقارعان يحتيەر ابدۋللاەۆ تاعايىندالعان.
«ٶزبەكستان رەسپۋبليكاسى كونستيتۋتسيياسىنىڭ 93 بابى, 24 تارماعىنا سەيكەس, ٶزبەكستان رەسپۋبليكاسى پرەزيدەنتٸنٸڭ 2018 جىلدىڭ 31 قاڭتارىنداعى №ۋپ-5317 جارلىعىنا سەيكەس, رۋستام راسۋلۇلى ينوياتوۆ ٶزبەكستان رەسپۋبليكاسىنىڭ ۇلتتىق قاۋٸپسٸزدٸك قىزمەتٸنٸڭ باسشىسى لاۋازىمىنان بوساتىلىپ, ٶزبەكستان رەسپۋبليكاسى پرەزيدەنتٸنٸڭ ساياسي-قۇقىقتىق مەسەلەلەر بويىنشا مەملەكەتتٸك كەڭەسشٸسٸ قىزمەتٸنە تاعايىندالدى»,-دەلٸنگەن ٶزبەكستان باسشىسىنىڭ جارلىعىندا.
ٶزبەكستان ٷكٸمەتٸندەگٸ بٸرنەشە دەرەككٶزٸ مەن ٷكٸمەتكە جاقىن ادامدار بۇعان دەيٸن ينوياتوۆتىڭ 25 قاڭتار كٷنٸ وتستاۆكاعا كەتۋ تۋرالى پرەزيدەنتكە ٶتٸنٸش بٸلدٸرگەنٸن حابارلاعان ەدٸ.
رۋستام ينوياتوۆ ەكس-پرەزيدەنت يسلام كاريموۆ 2016 جىلى قايتىس بولعاننان بەرٸ قىزمەتٸنەن اۋىستىرىلماعان جوعارى شەندٸ از عانا شەنەۋنٸكتٸڭ بٸرٸ بولعان ەدٸ. ينوياتوۆ باسقارعان 23 جىلعا جۋىق ۋاقىتتا ۇلتتىق قاۋٸپسٸزدٸك قىزمەتٸ ٶزبەكستانداعى ەڭ جابىق جەنە قۇزىرەتٸ جوعارى قۇرىلىم بولدى.
