قازاقستان جازۋشىلارىنىڭ
ٷندەۋٸ
ەل رەتٸندە ٸرگەسٸ بەكٸپ, ەلەمدٸك مويىندالۋدىڭ بيٸگٸنە كٶتەرٸلگەن قازاق ەلٸ ٶز دامۋىنىڭ جاڭا كەزەڭٸنە ٶتكەنٸ – تاريحي اقيقات.
ەلباسى نۇرسۇلتان ەبٸشۇلى نازارباەۆ جىل باسىنداعى حالىققا جولداۋىندا ەل تاريحىنىڭ جاڭا دەۋٸرٸ باستالعانىن ايتا كەلٸپ, قازاقستاننىڭ ٷشٸنشٸ جاڭعىرۋىن جارييالاعان بولاتىن.
«بولاشاق باعدار: رۋحاني جاڭعىرۋ» – قازاقستان جۇرتشىلىعىنا ۇسىنىپ وتىرعان قازاق پرەزيدەنتٸنٸڭ جاڭا دەۋٸر كەڭٸستٸگٸندەگٸ ەل تاعدىرىن انىقتاپ, مەملەكەتٸمٸزدٸڭ دامۋىن تانۋعا, باعىت-باعدارىن بەلگٸلەۋگە جاڭا كەڭٸستٸك اشار ٷشٸنشٸ جاڭعىرۋ دەۋٸرٸنٸڭ ٸرگەلٸ تاريحي قۇجاتى ەكەنٸنە كٶزٸمٸز جەتە تٷستٸ.
ايتۋلى تاريحي قۇجات نەگٸزٸنەن جاھاندانۋ جاعدايىندا ۇلتتىق مەملەكەت قۇرۋدىڭ سىرى مەن سيپاتىن جان-جاقتى تالداي وتىرىپ, ححٸ عاسىرداعى ۇلتتىق سانانى ساقتاۋ مەن ٶرٸستەتۋدٸڭ ناقتى جولدارىن ۇسىنادى.
ەلباسى ارعى-بەرگٸ دەۋٸرلەر تەجٸريبەسٸ مەن مەملەكەت قۇرۋ ٷلگٸلەرٸن سارالاي وتىرىپ, جانى, جٷرەگٸ, ويلاۋ كەڭٸستٸگٸ ەلەمدٸك بەسەكەلەستٸك جاعدايىندا ٶمٸر سٷرۋگە مەيلٸنشە بەيٸم ۇرپاق ٶسٸرٸپ, ۇلت تەربيەلەۋ قاجەتتٸلٸگٸنە ايىرىقشا توقتالعان. «كٷن ساناپ ٶزگەرٸپ جاتقان دٷبٸرلٸ دٷنيەدە سانا-سەزٸمٸمٸز بەن دٷنيەتانىمىمىزعا ەبدەن سٸڭٸپ قالعان تاپتاۋرىن قاعيدالاردان ارىلماساق كٶش باسىنداعى ەلدەرمەن تەرەزەمٸزدٸ تەڭەپ, يىق تٷيٸستٸرۋ مٷمكٸن ەمەس. ٶزگەرۋ ٷشٸن ٶزٸمٸزدٸ مىقتاپ قولعا الىپ, زامان اعىمىنا يكەمدەلۋ ارقىلى جاڭا دەۋٸردٸڭ جاعىمدى جاقتارىن بويعا سٸڭٸرۋٸمٸز كەرەك» - دەگەن ەلباسى ۇستانىمى وسى ايتقانىمىزدىڭ ايعاعى.
بٸزدەر, قالامگەرلەر قاۋىمى ەل ەرتەڭٸن انىقتايتىن ۇلت ٶمٸرٸنٸڭ باستى باعدارى – رۋحاني جاڭعىرۋ دەگەن ەلباسى ۇستانىمىن تولىعىمەن قولدايمىز! ٶيتكەنٸ, بٷگٸنگٸ قازاقستان – وڭ-سولىن تارازىلاي وتىرىپ, ەلٸكتەۋ مەن سولىقتاۋعا بوي الدىرۋدىڭ قانشاما قاتەرلٸ ەكەنٸن تولىق سەزٸنگەن, ەرٸ نۇرسۇلتان نازارباەۆتىڭ سٶزٸمەن ايتقاندا, «حح عاسىرداعى باتىستىق جاڭعىرۋ ٷلگٸسٸنٸڭ بٷگٸنگٸ زامانىنىڭ بولمىسىنا ساي كەلمەۋٸنٸڭ سىرىن» جان-دٷنيەسٸمەن ۇعىنعان جاڭا تۇرپاتتى ەل. بٸز – ٶز ەلەۋەتٸمٸز بەن ٶز اقىل-ويىمىزعا, ٶز قابٸلەتٸمٸزگە سەنۋدٸ ٶمٸرٸمٸزگە سەرٸك ەتكەن جاڭا سيپاتتى تەۋەلسٸز قازاقستاندى ورنىقتىرۋشىلارمىز.
قوعامنىڭ جاراتىلىسى مەن تابيعاتىن «ۇلتتىڭ رۋحاني كودىن» ساقتاي وتىرىپ دامىتۋعا, ۋاقىت تالابىنا ساي باعىتتاۋعا جۇمىلدىرۋ – بٸرتۇتاس ۇلتتى قالىپتاستىرۋدىڭ ٷلگٸسٸ ەكەنٸ كٷمەنسٸز. ەلباسى ۇسىنىپ وتىرعان سان سالالى, سان سيپاتتى دامۋ مەن ٶرٸستەۋدٸڭ جولدارى مەن مٸندەتتەرٸ وسىناۋ ۇلى دالا تٶسٸندەگٸ جاڭا تۇرپاتتى قازاق ەلٸنٸڭ بٷگٸنگٸ بايانىن بەكٸتٸپ, ەرتەڭگٸ بولاشاعىن انىقتاۋعا جول اشارى انىق. ۇلتتىق سانانى دامۋدىڭ جاڭا ساتىسىنا كٶتەرٸپ, ٶركەندەۋدٸڭ جاڭا كەڭٸستٸگٸنە الىپ شىعار بەسەكەلٸك قابٸلەت پەن پراگماتيزم ۇلتتىق بٸرەگەيلٸكتٸ ساقتاۋ مەن بٸلٸمنٸڭ سالتانات قۇرۋىن, ەلدٸڭ ەۆوليۋتسييالىق دامۋى مەن سانانىڭ اشىقتىعىن قامتاماسىز ەتەر تاياۋ جىلداردىڭ ەل پرەزيدەنتٸ بەلگٸلەگەن التى مٸندەتٸ – تامىرىن تەرەڭنەن تارتار, ٶز ەرتەڭٸن ٶزٸ ٶرنەكتەر ۇلى دالا مەملەكەتٸن مەڭگٸلٸككە باعىتتارى كٷمەنسٸز.
قازاق ەلٸنٸڭ كەشەگٸسٸن – بٷگٸنگە, بٷگٸنٸن – بولاشاققا جالعاۋدى مۇرات ەتەر رۋحاني جاڭعىرۋ حاقىنداعى ەلباسى ۇستانىمى, سٶز جوق, ۇلت كٶسەگەسٸن كٶگەرتۋ مەن ۇرپاق ساناسىن تەربيەلەۋدٸڭ ٶرٸستٸ, ٶركەندٸ جولى.
قازاقستان جازۋشىلار وداعى
باسقارماسىنىڭ سەكرەتارياتى.
