الماتى وبلىسىندا «رۋحاني جاڭعىرۋ» باعدارلاماسى اياسىندا 2017 جىلى 1 ملن. ادامدى قامتىعان 8 مىڭ شارا ۇيىمداستىرىلدى. بيۋدجەتٸ 25,8 ملرد. تەڭگە بولاتىن 319 ٸرٸ جوبانىڭ رەەسترٸ جاسالدى. بۇل تۋرالى بٷگٸن ٶزٸنٸڭ ەسەپ بەرۋ جيىنىندا وبلىس ەكٸمٸ ا. باتالوۆ ايتتى.
وبلىس باسشىسى ٶز بايانداماسىندا حابارلاعانداي, ٶڭٸردە «تۋعان جەر» جوباسى اياسىندا قۇنى 10,5 ملرد. تەڭگە بولاتىن 218 جوبا جٷزەگە اسىرىلسا, سونىڭ 6,6 ملرد. تەڭگەلٸك 90 جوباسى اياقتالدى. مەسەلەن, «باتىر بابالار» مەموريالدى كەشەنٸ سالىنىپ, ەلباسىنىڭ «اتامەكەن» تاريحي-مەدەني ورتالىعى اشىلدى. سونىمەن قاتار تالدىقورعاندا قازاقستان بويىنشا تۇڭعىش «رۋحاني جاڭعىرتۋ» ورتالىعى بوي كٶتەرٸپ, ٸسكە قوسىلدى.
2018 جىلى «رۋحاني جاڭعىرۋ» باعدارلاماسى شەڭبەرٸندە قۇنى 6 ملرد. تەڭگەگە جۋىقتايتىن 159 ٸرٸ جوبانىڭ رەەسترٸ ەزٸرلەندٸ. بۇل ورايدا «تۋعان جەر» جوباسى بويىنشا تالدىقورعان قالاسىندا جابىق باسسەين, قاراساي, الاكٶل اۋداندارىندا دەنە شىنىقتىرۋ-ساۋىقتىرۋ كەشەنٸنٸڭ قۇرىلىسى جٷرگٸزٸلمەك. سول سيياقتى پانفيلوۆ اۋدانىندا «وربۇلاق» مەموريالدى كەشەنٸ تۇرعىزىلادى.
