روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمىنىڭ ساحناسىندا قازاقستاننىڭ حالىق ەرتٸسٸ روزا رىمباەۆانىڭ شىعارماشىلىق جولىنىڭ 50 جىلدىعىنا ارنالعان مەرەيتويلىق كەش ۇيىمداستىرىلدى, دەپ حابارلايدى ult.kz مەدەنيەت جەنە اقپارات مينيسترلٸگٸنە سٸلتەمە جاساپ.
كەش بارىسىندا ەنشٸنٸڭ قازاق ەستراداسىنىڭ التىن قورىنا ەنگەن تانىمال تۋىندىلارى شىرقالدى. كونتسەرتتٸڭ شىمىلدىعى ەلي وقاپوۆتىڭ ارنايى وسى كەشكە ارناپ جازعان «بابالار اماناتى» كومپوزيتسيياسىمەن اشىلدى. ەسەرلٸ تۋىندىنى روزا رىمباەۆانىڭ ٶزٸ ورىندادى.
مەرەيتويلىق كەش اياسىندا قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆانىڭ قۇتتىقتاۋ حاتى تابىستالدى. قۇتتىقتاۋدا روزا رىمباەۆانىڭ ساحناداعى جارتى عاسىرلىق شىعارماشىلىق جولى ٶلشەۋسٸز ەڭبەك, تەرەڭ ٸزدەنٸس, بيٸك تالعام, شىنايى تالانت پەن ٶنەرگە دەگەن ادالدىقتىڭ جارقىن كٶرٸنٸسٸ ەكەنٸ اتاپ ٶتٸلدٸ.
كونتسەرتكە وتاندىق ەسترادانىڭ بٸرنەشە بۋىن ٶكٸلدەرٸ قاتىستى. ولاردىڭ قاتارىندا ALEM, قازىبەك قۇرايىش, قايرات باەكەنوۆ, باتىرجان تازابەكوۆ, مارجان اراپباەۆا, گٷلسٸم مىرزابەكوۆا, بايان-سۇلۋ جەنە يليگاي ٶنەر كٶرسەتتٸ. سونىمەن قاتار ساحناعا ەنشٸنٸڭ ۇلدارى ەلي وقاپوۆ پەن مەدي رىمباەۆ شىعىپ, نەمەرەسٸ زەيٸنمەن بٸرگە «جاراسقان جانۇيا» ەنٸن ورىنداپ, كٶرەرمەننٸڭ ىستىق ىقىلاسىنا بٶلەندٸ.
كەش بارىسىندا يليا باشكاتوۆ باستاعان مۋزىكانتتار, قر مەملەكەتتٸك كٷزەت قىزمەتٸنٸڭ پرەزيدەنت وركەسترٸ جەنە ديريجەر دارحان راحىمعاليدٸڭ سٷيەمەلدەۋٸمەن تاڭداۋلى تۋىندىلار ورىندالدى.
شىعارماشىلىق كەش سوڭىندا «ليۋبوۆ ناستالا», «ەلييا» جەنە «ەرتەڭٸمە سەنەمٸن» ەندەرٸ شىرقالىپ, روزا رىمباەۆاعا «ىقىلاس گٷلٸ» تابىستالدى.
