رەسەيدٸڭ قورشاعان ورتاعا باقىلاۋ جاساۋ جەنە گيدرومەتەورولوگييا فەدەرالدىق قىزمەتٸ (روسگيدرومەت) رەسەي اۋماعىنداعى رادياتسييالىق احۋال تۋرالى بيۋللەتەن جارييالادى.
وندا چەليابينسك وبلىسىنداعى "ماياك" ٶندٸرٸس بٸرلەستٸگٸ ايماعىنان جٷز كيلومەتر جەردە الىنعان سىنامادان راديواكتيۆتٸ رۋتەنيي-106 (Ru-106) تٸركەلگەنٸ ايتىلعان.
بۇعان دەيٸن فرانتسييانىڭ يادرولىق جەنە رادياتسييالىق قاۋٸپسٸزدٸك ينستيتۋتى (IRSN) ەۋروپا ٷستٸنەن راديواكتيۆتٸ بۇلتتى انىقتاعاندارىن حابارلاعان. ينستيتۋت عالىمدارى رۋتەنيي-106 راديواكتيۆتٸ بۇلتى قازاقستاننان نە رەسەيدەن, انىعىراق ايتقاندا, ورال تاۋلارىنىڭ وڭتٷستٸگٸ مەن چەليابينسك وبلىسىنان تاراۋى مٷمكٸن ەكەنٸن ايتقان.
قازاقستانداعى يادرولىق جەنە رادياتسييالىق قاۋٸپسٸزدٸككە جەنە ەكولوگيياعا قاتىسى بار مەكەمەلەردٸڭ ٶكٸلدەرٸ رادياتسييانىڭ قازاقستاننان تاراعانىن جوققا شىعارعان.
رەسەي بيلٸگٸ دە رەسەي تەرريتوريياسىندا قىركٷيەكتە راديواكتيۆتٸ نىسانداردا اپات بولعانىن نەمەسە راديواكتيۆتٸ زات تارالعانىن جوققا شىعارعان بولاتىن. ال "روساتوم" كومپانيياسى رادياتسييا ٶزٸنٸڭ كەسٸپورنىنان شىعىپ جاتىر دەگەن تۇجىرىمدى "نەگٸزسٸز" دەپ اتاعان.
