يتالييانىڭ «يۋۆەنتۋس» كومانداسىنىڭ شابۋىلشىسى كريشتيانۋ رونالدۋ - قازٸرگٸ كەزدە ەۋروپانىڭ ٷزدٸك بەس ليگاسىندا ٶنەر كٶرسەتكەن ويىنشىلار اراسىندا سوڭعى 15 جىل بويى ەر ماۋسىمدا كەم دەگەندە 15 گولدان سوققان جالعىز فۋتبولشى, دەپ حابارلايدى "ۇلت اقپارات" AS.com-عا سٸلتەمە جاساپ.
جەكسەنبٸ كٷنٸ رونالدۋ يتالييا چەمپيوناتىنىڭ ماتچىندا «ساسسۋولو» قاقپاسىنا گول سالدى. ويىن «يۋۆەنتۋستىڭ» جەڭٸسٸمەن اياقتالدى (3:1).
پورتۋگالدىق سپورتشى العاش رەت 2006/07 جىلعى ماۋسىمدا «مانچەستەر يۋنايتەد» ٷشٸن 34 ماتچتا 17 گول كٸرگٸزگەن. كەلەسٸ ايدا 36 جاسقا تولاتىن رونالدۋ اتالعان كٶرسەتكٸشتٸ 15 ماۋسىم بويى ساقتاپ كەلە جاتىر.
2014/15 ماۋسىمىندا كريشتيانۋ رونالدۋ يسپانييانىڭ فۋتبول چەمپيوناتىندا «رەال مادريد» ٷشٸن 35 ماتچتا 48 رەت دوپ كٸرگٸزگەن.
ونىڭ قارسىلاسى – ارگەنتينالىق ليونەل مەسسي 2008/09 جىلعى ماۋسىمنان باستاپ «بارسەلونا» ساپىندا 12 ماۋسىمدا 15-تەن اسا گول كٸرگٸزدٸ. ف ۋتبولدان يسپانييا چەمپيوناتىنىڭ قازٸرگٸ ماۋسىمىندا مەسسي 11 رەت گول سالدى.
