Italiianyń «Iýventýs» komandasynyń shabýylshysy Krishtianý Ronaldý - qazirgi kezde Eýropanyń úzdik bes ligasynda óner kórsetken oiynshylar arasynda sońǵy 15 jyl boiy ár maýsymda kem degende 15 goldan soqqan jalǵyz fýtbolshy, dep habarlaidy "Ult aqparat" AS.com-ǵa silteme jasap.
Jeksenbi kúni Ronaldý Italiia chempionatynyń matchynda «Sassýolo» qaqpasyna gol saldy. Oiyn «Iýventýstyń» jeńisimen aiaqtaldy (3:1).
Portýgaldyq sportshy alǵash ret 2006/07 jylǵy maýsymda «Manchester Iýnaited» úshin 34 matchta 17 gol kirgizgen. Kelesi aida 36 jasqa tolatyn Ronaldý atalǵan kórsetkishti 15 maýsym boiy saqtap kele jatyr.
2014/15 maýsymynda Krishtianý Ronaldý Ispaniianyń fýtbol chempionatynda «Real Madrid» úshin 35 matchta 48 ret dop kirgizgen.
Onyń qarsylasy – argentinalyq Lionel Messi 2008/09 jylǵy maýsymnan bastap «Barselona» sapynda 12 maýsymda 15-ten asa gol kirgizdi. F ýtboldan Ispaniia chempionatynyń qazirgi maýsymynda Messi 11 ret gol saldy.
